कोलकातानगरे चिकित्सकाया हत्या विषये महारोषः

कोलकातानगरे चिकित्सकाया हत्या विषये महारोषः
हिमसंस्कृतवार्ताः। कोलकातानगरे एकस्मिन् सर्वकारीय चिकित्सालये महिला चिकित्सायाः हत्यायाः प्रकरणं प्रकाशे आगतं, येन सम्पूर्णे क्षेत्रे महारोषस्य स्थितिः वर्तते। प्रकरणे अस्मिन् दोषीणां विषये पश्चिमबङ्गस्य मुख्यमन्त्री ममता बनर्जी क्रुद्धा अस्ति। ममता बनर्जी इत्यनया उक्तं यत् यदि आवश्यकं चेत् दोषिभ्यः पाशे बद्धवा मृत्युदण्डः भविष्यन्ति। उल्लेखनीयं यत् कोलकातानगरस्य एकस्मिन् सर्वकारीये चिकित्सालये कार्यरतायाः पीजीटी-चिकित्सकायाः मृतदेहः शुक्रवासरे अर्धनग्नावस्थायां मिलितः अभवत्। एषा महिला वैद्या चिकित्सालयस्य वक्षःस्थलरोगचिकित्साविभागस्य द्वितीयवर्षस्य छात्रा आसीत् । ममता बनर्जी इत्यनया एषा घटना अत्यन्तं दुर्भाग्यपूर्णा इति वर्णिता अस्ति । सा पुष्टिम् अकरोत् यत् हत्यायाः आरोपिणः गृहीताः सन्ति।
मुख्यमन्त्री उक्तवती यत् मया निर्देशः दत्तः यत् प्रकरणं द्रुतमार्गन्यायालये नेतव्यम् इति। आवश्यके सति अपराधिभ्यः मृत्युदण्डः भविष्यन्ति। घटनायाः अनन्तरं चिकित्सालयस्य बहिः चिकित्साशास्त्रस्य छात्राः, भाजपा, काङ्ग्रेस, वामपक्षः च विरोधं कृतवन्तः। पश्चिमबङ्गस्य भाजपानेता सुवेन्दु अधिकारी इत्यनेन सीबीआइ-अन्वेषणस्य आग्रहः कृतः।