जयन्तीविशेष:- हिमाचलस्य निर्माता डॉ. यशवंतसिंहपरमार:
डॉ. यशवन्तसिंहपरमार: (०४ अगस्त १९०६ त: ०२ मई १९८१) भारतीय राजनेता स्वतन्त्रतासेनानी च आसीत्। सः हिमाचलप्रदेशस्य प्रथमः मुख्यमन्त्री आसीत्। हिमाचलप्रदेशस्य अस्तित्वम् आनेतुं विकासस्य आधारं च स्थापयितुं तस्य महत्त्वपूर्णं योगदानम् अस्ति। प्रायः त्रिदशकं यावत् एकः कुशलः प्रशासकः इति नाम्ना जनानां भावनाः संवेदनाः च अवगत्य सः प्रगतेः मार्गे अग्रे गच्छन् हिमाचलप्रदेशस्य विकासाय नूतनाः दिशाः प्रस्तुतवान्। तस्य सम्पूर्णं जीवनं राज्यस्य जनानां कृते समर्पितं आसीत्, सः जीवनपर्यन्तं निर्धनानाम्, अभाविनां च साहाय्यं कुर्वन् आसीत्। १९०६ तमे वर्षे अगस्तमासस्य ४ दिनाङ्के सिरमौरमण्डलस्य चनालगग्रामे जन्म प्राप्य डॉ. परमारस्य जीवनं संघर्षशीलस्य जीवनम् आसीत्। १९२८ तमे वर्षे सः स्नातकोपाधिं प्राप्तवान् (बी.ए.) लखनऊतः स्नातकोत्तरं (एम.ए.) एल. एल. बी., १९४४ तमे वर्षे समाजशास्त्रे विद्यावारिधिं (पी.एच.डी.) कृतवान्। सः रियासतराज्यस्य सिरमौरराज्ये ११ वर्षाणि यावत् उपन्यायाधीशः, दण्डाधिकारी च (१९३०-३७) तदनन्तरं जिला- सत्रन्यायाधीशः (१९३७-४१) इति रूपेण कार्यं कृतवान्।
सः कार्यस्य चिन्ता न कृत्वा सुकेत- सत्याग्रहप्रजामण्डले सम्मिलितवान्। तस्य प्रयत्नेन एषः सत्याग्रहः सफलः अभवत्। १९४३तः ४६पर्यन्तं सिरमौर संघस्य सचिवः, १९४६तः ४७पर्यन्तं हिमाचल- पर्वतराज्य- परिषदः अध्यक्षः, १९४७तः ४८पर्यन्तं अखिलभारतीय- जनसम्मेलनस्य सदस्यः, सुकेत-आन्दोलनेन सह सम्बद्धः मुख्यप्रजामण्डल सिरमौरनिदेशकः च आसीत्। डॉ. परमारस्य प्रयत्नेन एव १९४८ तमस्य वर्षस्य अप्रैल-मासस्य १५ दिनाङ्के ३० राज्यानां विलयानन्तरं हिमाचलप्रदेशस्य निर्माणं जातम्, १९७१ तमे वर्षे जनवरी-मासस्य २५ दिनाङ्के अस्य राज्यस्य पूर्णराज्यस्य स्थितिः प्राप्ता। सदस्यसचिवः १९४८तः ५२पर्यन्तं हिमाचलप्रदेशस्य मुख्यपरामर्शपरिषदः, १९४८तः ६४पर्यन्तं अध्यक्षः हिमाचलप्रदेशसमित्याः, १९५२तः ५६पर्यन्तं हिमाचलप्रदेशस्य मुख्यमन्त्री; १९५७ तमे वर्षे सांसदः भूत्वा १९६३तः १९७७ जनवरी २४पर्यन्तं हिमाचलस्य मुख्यमन्त्रीरूपेण कार्यं कृतवान्। डॉ. परमारः पालियेन्डरी इन द हिमालयाज हिमाचल पालियेन्डरी इटस शेप एण्ड स्टेटस, हिमाचलप्रदेश केस फॉर स्टेटहुड तथा हिमाचलप्रदेश एरिया एण्ड लैङ्ग्वेज्स इति शोध- आधारित- पुस्तकानि अपि लिखितवान् १९८१ तमे वर्षे मईमासस्य २ दिनाङ्के डॉ. परमारस्य निधनम् अभवत्।
जयन्तीविशेष:- हिमाचलस्य निर्माता डॉ. यशवंतसिंहपरमार:
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment