HPCM : प्रारम्भिक-बाल्यकाल-परिचर्या, शिक्षा- अनुशिक्षक- योजना कार्यान्विता भविष्यति
हिमसंस्कृतवार्ता: – शिमला।
मुख्यमन्त्री सुखविन्दरसिंहसुक्खुः अवदत् यत् राज्यसर्वकारः ३-६ वर्षाणाम् आयुवर्गस्य बालकानां कृते हिमाचलप्रदेशस्य प्रारम्भिकबाल्यकालस्य शिक्षायाः अनुशिक्षकयोजनायाः आरम्भं कर्तुं गच्छति, येन बालकानां सर्वतोमुखी विकासः सम्भवति। सः अवदत् यत् सम्प्रति राज्यस्य प्राथमिकविद्यालयानां परिसरेषु ६,२९७ पूर्वप्राथमिकविभागाः चालिताः सन्ति, यत्र प्रायः ६० सहस्राणि छात्राः अध्ययनं कुर्वन्ति। एतदतिरिक्तं एतैः प्राथमिकविद्यालयैः सह २३७७ आङ्गनबाडीकेन्द्राणि अपि सञ्चालितानि सन्ति। गुरुवासरे प्रसारिते वक्तव्ये मुख्यमन्त्री उक्तवान् यत् राष्ट्रियशिक्षानीति-२०२० इत्यस्य अन्तर्गतं राज्यानां शिक्षाविभागेभ्यः व्यापकं प्रारम्भिकपरिचर्या- शिक्षाकार्यक्रमाः सज्जीकर्तुं परामर्श: दत्तः। शिक्षाविभागः प्रारम्भिक- बाल्यपरिचर्या- शिक्षाकार्यक्रमस्य चत्वारि अपि प्रारूपाणि कार्यान्वयिष्यति। सः अवदत् यत् एतेषु चतुर्षु प्रारूपेषु आंगनबाडीकेन्द्राणि, प्राथमिकविद्यालयेषु चालितानि आंगनबाडीकेन्द्राणि, पूर्वस्थापितेषु पूर्वप्राथमिकविद्यालयेषु अध्ययनं कुर्वन्तः ५-६ वर्षाणां बालकाः, पूर्वप्राथमिकविद्यालयेषु च समाविष्टाः भविष्यन्ति।
मुख्यमन्त्री उक्तवान् यत् राज्यसर्वकारः राष्ट्रिय तकनीकीशिक्षापरिषदः नियमानुसारं ६,२९७ विद्यालयानां कृते अध्यापकानां नियुक्तिं करिष्यति। सर्वकारस्य एष: उपक्रमः बालकानां कृते गुणवत्तापूर्णशिक्षाप्रदानस्य प्रतिबद्धतां, तेषां सर्वाङ्गीणविकासं च प्रदर्शयति। सुक्खुः उक्तवान् यत् राज्यसर्वकारस्य मूलोद्देश्यं छात्राणां गृहसमीपे गुणवत्तापूर्णशिक्षाप्रदानं, शिक्षाक्षेत्रे नवीनतां समावेशयितुं च अस्ति। राज्यसर्वकारः शिक्षकाणां विविधपदानि पूरयितुं गच्छति, तदर्थं प्रक्रिया आरब्धा अस्ति। राज्यसर्वकारः प्रत्येकस्मिन् विधानसभाक्षेत्रे एकं राजीवगान्धी- दिवस- बोर्डिंग- विद्यालयम् उद्घाटयितुं गच्छति।
