Kangna Ranaut : राष्ट्रपतिरूपेण द्रौपदीमुर्मू जनजातीयसमाजस्य गौरवम्
हिमसंस्कृतवार्ता- काजा।
भाजपाप्रत्याशी कङ्गनारनौत इत्यनया उक्तं यत् सीम्नि स्थितानां क्षेत्राणां विकासे प्रधानमन्त्री नरेन्द्रमोदी महत्त्वपूर्णां भूमिकां निर्वहति। केन्द्रसर्वकारेण प्रत्येकं पक्षं स्पृशितुं प्रयत्नः कृतः। अद्य राष्ट्रपतित्वेन द्रौपदी मुर्मू जनजातीसमाजस्य गौरवम् अस्ति। काजायां जनसभां सम्बोधयन् सा अवदत् यत् यदा केचन काङ्ग्रेसनेतारः जनजातीयक्षेत्रेषु जनानां विषये अश्लीलटिप्पण्य: कुर्वन्ति तदा प्रधानमन्त्री नरेन्द्रमोदी इत्यस्य कुशलनेतृत्वेन जनजातीयसमाजस्य नष्टं वैभवं पुनः स्थापयितुं कार्यं कृतम्। काङ्ग्रेस-प्रत्याशी विक्रमादित्यं व्यङ्ग्यं कृत्वा सा अवदत् यत् तस्य मुखस्य मध्ये राम: रामः अस्ति किन्तु पार्श्वे छुरिका अपि अस्ति। विक्रमादित्यं प्रति प्रश्नः पृष्टः यत् यदि तस्य प्रतिबिम्बम् एतावत् निर्मलम् अस्ति तर्हि तस्य ईडी-प्रकरणाः अद्यापि किमर्थं लम्बिताः सन्ति।
