श्रीनगरस्य बख्शी-क्रीडाङ्गणे विकसितभारतं विकसितः जम्मू-कश्मीरः कार्यक्रमे प्रधानमन्त्री

प्रधानमन्त्रिणा श्रीनरेन्द्रमोदिना श्रीनगरस्य बख्शी-क्रीडाङ्गणे विकसितभारतं विकसित जम्मू-कश्मीरः इति कार्यक्रमस्यान्तर्गतं चतुश्शताधिक षड्सहस्रकोटितोप्यधिक रुप्यकाणां परियोजनाः राष्ट्राय समर्पिताः। अत्रावधौ प्रधानमन्त्री कार्यक्रमं सम्बोधयन् अवोचत् यत् जम्मू-कश्मीरस्य विकासः प्रशासनस्यास्य शीर्ष प्राथमिकता वर्तते। तेनोदीरितं यत् नूतन जम्मूकश्मीरः समाह्वाह्नानां अपि समाधानं करिष्यति। संघराज्यस्य भ्रमणं कृत्वा श्रीमोदिना हर्षातिरेकवचोभिः प्रसन्नता प्रकटिता उक्तं च यत् पृथिव्यां स्वर्गं आगमनस्य भावः शब्दीविभवन व्यक्तं कर्तुं शक्यते। प्रधानमन्त्रिणा कृषकान्, महिलाः, उद्यमिनः समेत्य- विविधप्रशासनीययोजनानां लाभार्थिभिः सहापि संवादः विहितः। श्रीमोदी लाभार्थिनां प्रयत्नानां प्रशंसाम् अकरोत्। प्रशासनं देशस्य युवविचाराणां समर्थनाय सदव आतुरः अस्ति। नवोद्योग प्रवर्धनार्थं च सदख तत्परः। कार्यक्रमे प्रधानमन्त्रिणा केन्द्रक्षेत्रे कृषिअर्थव्यवस्थां वर्धयितुं प्रायः पञ्चसहस्रकोटिरूप्यकाणां व्यापक कृषिविकासकार्यक्रमः अपि राष्ट्राय समर्पितः। प्रसाद-योजनानन्तर्गतं चतुर्दशशत-कोटिरूप्यतोऽप्यधिकानां परियोजनानां शिलान्यासं लोकार्पणञ्च अकरोत्। प्रसाद-योजना धार्मिक स्थलानां पुनरूद्धारार्थं एवं आध्यात्मिक-न्यासान् प्रोत्साहन-प्रदानार्थं एकं अभियानमस्ति ।