लोकसभा-निर्वाचनम्- भाजपादलस्य प्रभारिण: सहप्रभारिण: च नियुक्ता:।
श्रीकांतशर्मणे हिमाचलस्य दायित्वम्
हिमसंस्कृतवार्ता- कार्यालयीय: प्रतिनिधि:।
भारतीयजनतादलस्य राष्ट्रीयाध्यक्षेण जगतप्रकाशनड्डावर्येण अग्रिमे लोकसभानिर्वाचने हिमाचले प्रदेशप्रभारिण: दायित्वं श्रीकांतशर्मणे, सहप्रभारिण: च दायित्वं संजयटण्डनाय समर्पितम्। एषा सूचना भाजपादलस्य राष्ट्रियमहासचिवः अरुणसिंह: अददत्। भाजपादलस्य प्रदेशाध्यक्ष डॉ. राजीवबिन्दल:, प्रतिपक्षनेता जयरामठाकुर: एवं भाजपादलस्य सम्पूर्णप्रदेशस्य नेतृत्वेन श्रीकांतशर्मणे संजयटण्डनाय च एतदर्थं शुभकामना: प्रदत्ता:।
