आधुनिक-युद्धप्रौद्योगिक्याः नूतन-संकटानां च मध्ये सशस्त्र-बलानाम् आक्रामक-रक्षात्मक-क्षमताः सुदृढाः करणीयाः : रक्षामन्त्री राजनाथ सिंहः

आधुनिक-युद्धप्रौद्योगिक्याः नूतन-संकटानां च मध्ये सशस्त्र-बलानाम् आक्रामक-रक्षात्मक-क्षमताः सुदृढाः करणीयाः : रक्षामन्त्री राजनाथ सिंहः
नवदेहली। रक्षामन्त्री राजनाथ सिंहः गुरुवासरे उक्तवान् यत् तीव्रगत्या परिवर्तमानायाः युद्ध-प्रौद्योगिक्याः नूतनानां सुरक्षा-सङ्कटानां च मध्ये भारतीय-सशस्त्र-बलैः स्वकीयाः आक्रामक-रक्षात्मक-क्षमताः सुदृढाः करणीयाः। अत्र वायुसेनायाः शीर्ष-सेनानायकानां (कमांडराणां) सम्मेलनं सम्बोधयन् रक्षामन्त्री अवदत् यत् भविष्यस्य युद्धे शत्रवे प्रत्युत्तर-आक्रमणस्य समयः न दातव्यः तथा च स्वयम् अपि प्रत्येकम् अप्रत्याशितम् आक्रमणं सम्मुखीकर्तुं सज्जं भवितव्यम् इति अतीव आवश्यकम् अस्ति।एतदर्थं सः गुप्तचर-निरीक्षणे, प्रौद्योगिकी-श्रेष्ठतायां, त्रिषु सेनासु (थल-जल-वायुसेनासु) च उत्तम-समन्वये बलं दत्तवान्। सः उक्तवान् यत् आधुनिकं युद्धम् अधुना पारम्परिक-युद्धक्षेत्राणि यावत् सीमितं नास्ति। प्रक्षेपणास्त्राणि (मिसाइल), मानवरहित-विमानानि (ड्रोन) उन्नत-शस्त्र-प्रणाल्यः च युद्धस्य दिशां परिवर्तयन्ति। तेन ‘कामिकेज-ड्रोन’, निरीक्षणं तथा च ड्रोन-निरोधक-अभियानानि इत्यादीनां आव्हानानां कृते सज्जैः भवितुं निर्देशः दत्तः।रक्षामन्त्री सिंहः वायुसेनायै इलेक्ट्रॉनिक, साइबर, अन्तरिक्ष-क्षेत्रेषु च युद्धस्य नूतनां रणनीतिम व्यवस्थां च विकसितुम् आवश्यकतां प्रतिपादितवान्। सः अवदत् यत् भविष्यस्य विजयः केवलं विमानानां सङ्ख्यया न निर्धारयिष्यते, अपितु तकनीकी-क्षमता, प्रतिक्रियायाः गतिः, सटीक-सज्जता च निर्णायिकाः भविष्यन्ति। प्रत्येकस्यां परिस्थितौ योद्धुं वायुसेना पूर्णतया सज्जा अस्ति इति तेन कथितम्।अस्मिन् अवसरे रक्षामन्त्रिणा सैनिकानां नूतन-प्रौद्योगिक्याः प्रशिक्षणे युवानाम् ‘अग्निवीराणां’ तकनीकी-ज्ञानस्य च उत्तम-उपयोगे अपि बलं दत्तम्। सः सूचितवान् यत् सशस्त्र-बलेभ्यः प्राप्तानां परामर्शानाम् आधारेण अग्निवीराणां कृते ‘द्वितीय-सेवा-अवधेः’ (सेकंड टूर ऑफ ड्यूटी) निर्णयः स्वीकृतः अस्ति।