हिमाचलप्रदेशस्य चम्बा-मण्डले गतदिवसे प्रातः निज-बस दुर्घटनायां सप्त जनाः मृताः

हिमाचलप्रदेशस्य चम्बा-मण्डले गतदिवसे प्रात निज-बस दुर्घटनायां सप्त जनाः मृताः, एकादश जनाः व्रणिताः च अभवन्
हिमसंस्कृतवार्ता। हिमाचलप्रदेशस्य चम्बा जनपदे बसदुर्घटनायां सप्तजनाः मृताः, एकादश जनाः च व्रणिताः। इयं दुर्घटना गतदिवसे प्रातः सपादसप्तवादने अभवत्। प्रारम्भिकसूचनानुसारं बसयानं बैरागढतः चम्बानगरं प्रति गच्छति स्म। चालुआन्ज समीपे बसयानं अनियन्त्रितं जातम् । ततः यानं मार्गाद् अधः अन्यस्मिन् मार्गे गतम्। दुर्घटनायाः कारणानाम् अन्वेषणं क्रियते। मृतानाम् अभिज्ञानम् इदानीमपि न जातम्। राष्ट्रपतिः द्रौपदी मुर्मुः, प्रधानमन्त्री नरेन्द्रमोदी च अस्यां दुर्घटनायां गहनं दुःखं प्रकटितवन्तौ। राष्ट्रपतिः अपि आहतानाम् आरोग्यस्य कामनाम् अकरोत्। प्रधानमन्त्री मोदी मृतानां परिवारेभ्यः शोकं प्रकटितवान्।