TET UPDATE – २०१० तमवर्षात् पूर्वं नियुक्तेभ्यः शिक्षकेभ्यः टी.ई.टी. अनिवार्या न, एन.सी.टी.ई. इत्यनेन स्पष्टीकृतम्
हिमसंस्कृतवार्ता:- कार्यालयीय: प्रतिनिधि:।शिक्षक-पात्रता-परीक्षां (टी.ई.टी.) अधिकृत्य सुदीर्घकालात् प्रचलिता असमञ्जसस्थितिः अधुना भूयसा स्पष्टा संजाता। राष्ट्रियाध्यापक- शिक्षापरिषदा (NCTE) न्यायालये प्रस्तुते स्वशपथपत्रे स्पष्टीकृतं यत् २३ अगस्त २०१० तमवर्षात् पूर्वं नियुक्तेषु शिक्षकेषु टी.ई.टी. परीक्षायाः अनिवार्यता नैव प्रवर्तिष्यते। एतादृश्यां स्थितौ वर्ष २०१० तः पूर्वं नियुक्ताः सर्वेऽपि शिक्षकाः टी.ई.टी. परीक्षायाम् उत्तीर्णाः स्युः, एषा धारणा समीचीना नास्ति।
शिक्षकाणां मध्ये सुदीर्घकालात् एषः प्रश्नः उत्तिष्ठति स्म यत् किं पुरातनीषु नियुक्तिष्वपि टी.ई.टी. परीक्षायाः नियमः प्रवृत्तः भविष्यति। एन.सी.टी.ई. इत्यनेन स्वप्रतिज्ञापत्रे नियुक्तितिथेः आधारेण विभिन्नाः स्थितयः स्पष्टीकृताः।
३ सितम्बर २००१ तमवर्षात् पूर्वं नियुक्तेभ्यः शिक्षकेभ्यः पूर्णसाहाय्यम्
शपथपत्रानुसारं ३ सितम्बर २००१ तमवर्षात् पूर्वं नियुक्ताः शिक्षकाः टी.ई.टी. परीक्षायाः सर्वथा मुक्ताः सन्ति। केवलं टी.ई.टी. परीक्षायाः अनुत्तीर्णतायाः आधारेण तेषां सेवायाम् नियुक्तौ वा कोऽपि प्रतिकूलः प्रभावः न भविष्यति। परिषदा स्पष्टीकृतं यत् पश्चात् प्रवृत्ताः पात्रतानियमाः पूर्वप्रभावेण प्रयोक्तुं न शक्यन्ते।
२००१ तः २३ अगस्त २०१० पर्यन्तं नियुक्तेषु शिक्षकेष्वपि टी.ई.टी. न प्रवर्तिष्यते
एन.सी.टी.ई. इत्यनेन एतदपि स्पष्टीकृतं यत् ३ सितम्बर २००१ तः २३ अगस्त २०१० तमवर्षस्य मध्ये नियुक्तेभ्यः शिक्षकेभ्यः अपि टी.ई.टी. परीक्षा अनिवार्या नासीत्, यतः तस्मिन् काले एषा व्यवस्था अस्तित्वे एव नासीत्। अतः तस्याम् अवधौ प्रवृत्तानां नियमानाम् अन्तर्गतं संजाताः नियुक्तयः वैधाः मन्स्यन्ते। शिक्षाक्षेत्रस्य विशेषाज्ञानां मन्यते यत् तस्मिन् काले ये नियमाः प्रभाविनः आसन्, तदाधारेण विहिताः नियुक्तयः पश्चात् प्रवृत्त- पात्रता- परीक्षया सह योक्तुं न शक्यन्ते।
२३ अगस्त २०१० तमवर्षात् परं टी.ई.टी. अनिवार्या
२३ अगस्त २०१० तमे दिनाङ्के एन.सी.टी.ई. इत्यनेन अधिसूचनां प्रसार्य प्राथमिक- उच्चप्राथमिकस्तरयोः शिक्षकाणां नियुक्तये टी. ई. टी. परीक्षा आवश्यकी पात्रता घोषिता आसीत्। एतस्मात् परं नियुक्तानां शिक्षकाणां कृते टी.ई.टी. परीक्षायाः उत्तीर्णता अनिवार्या मन्स्यते।
सहस्रशः शिक्षकेभ्यः लब्धं साहाय्यम्
एन.सी.टी.ई. इत्यस्य अस्य स्पष्टदृष्टिकोणस्य कारणेन प्रदेशसहित-देशस्य तादृशेभ्यः सहस्रशः शिक्षकेभ्यः साहाय्यप्राप्तेः आशा अस्ति, येषां नियुक्तिः टी.ई.टी. नियमात् पूर्वं संजाता आसीत्, ये च स्वसेवा-सुरक्षां प्रति असमञ्जसे आसन्।
एकदृष्ट्या नियमाः-
१. ३ सितम्बर २००१ तमवर्षात् पूर्वं नियुक्ताः शिक्षकाः- टी.ई.टी. परीक्षातः मुक्ताः।
२. ३ सितम्बर २००१ तः २३ अगस्त २०१० तमवर्षस्य मध्ये नियुक्ताः शिक्षकाः- टी.ई.टी. अनिवार्या न।
३. २३ अगस्त २०१० तमवर्षात् परं नियुक्ताः शिक्षकाः- टी.ई.टी. परीक्षा अनिवार्या।
TET UPDATE – २०१० तमवर्षात् पूर्वं नियुक्तेभ्यः शिक्षकेभ्यः टी.ई.टी. अनिवार्या न, एन.सी.टी.ई. इत्यनेन स्पष्टीकृतम्
Himsanskritam is a non-profit trust (Reg. No. 86/2026) dedicated to promoting Sanskrit journalism, local dialects, and the rich culture and folklore of Himachal Pradesh. Many Sanskrit educators and cultural enthusiasts actively contribute to this mission. If you would like to support our initiative and become a member, send "Namaste" to our WhatsApp number: 7876636263.
Leave a comment
