अन्तर्राष्ट्रीय-मादकद्रव्य-विरोधी-दिवसे ‘ईगल’ संस्थायाः पक्षतः वी.आई.टी-अमरावत्यां जागरूकता-कार्यक्रमः आयोजितः
अन्तर्राष्ट्रीय-मादकद्रव्य-विरोधी-दिवसस्य अवसरे आन्ध्रप्रदेश-सर्वकारस्य ‘ईगल’ (एलीट एन्टी-नार्कोटिक्स ग्रुप फॉर लॉ एन्फोर्समेन्ट) इति संस्थया अमरावतीस्थे वी.आई.टी-विश्वविद्यालये एकः विशेषः जागरूकता-कार्यक्रमः आयोजितः।
अस्मिन् कार्यक्रमे राज्यस्य गृह-आपदाप्रबन्धन-मन्त्री वी. अनिता महोदया युवान् मादकद्रव्याणां सङ्कटेभ्यः रक्षितुम् आवश्यकतायाम् बलं दत्तवती। सा अवदत् यत् मादकद्रव्याणाम् व्यसनं समाजस्य देशस्य च भविष्यस्य कृते एकः गम्भीरः सङ्कटः अस्ति। अनेन यूनां स्वास्थ्यं, प्रतिभा, तेषां स्वप्नाः च प्रभाविताः भवन्ति।मन्त्री महोदया आन्ध्रप्रदेशे “शून्य-गाञ्जा-कृषिः” (जीरो गांजा खेती) इति उपलब्धेः उल्लेखं कुर्वती राज्यस्य आरक्षकदलस्य (पुलिस) ‘ईगल’-दलस्य च प्रयासानां भूरिशः प्रशंसां कृतवती।
अन्तर्राष्ट्रीय-मादकद्रव्य-विरोधी-दिवसे ‘ईगल’ संस्थायाः पक्षतः वी.आई.टी-अमरावत्यां जागरूकता-कार्यक्रमः आयोजितः
Himsanskritvarta: It is a non-profit project to promote Sanskrit journalism, whose aim is to make available material for reading Sanskrit news in educational institutions. Many Sanskrit teachers and Sanskrit lovers are contributing in this work. If you also want to cooperate in this work, then write Namaste on our WhatsApp number 7876636263.
Leave a comment