भारतीयसेनायाः परिधानं परिवर्तितम्, आङ्ग्लकालस्य चिह्नानि अपाकृतानि, सम्मर्दे (परेड) खड्गः न, अधिकारिणः ‘बंडी’ (अङ्गरक्षकं) धरिष्यन्ति

भारतीयसेनायाः परिधानं परिवर्तितम्, आङ्ग्लकालस्य चिह्नानि अपाकृतानि, सम्मर्दे (परेड) खड्गः न, अधिकारिणः ‘बंडी’ (अङ्गरक्षकं) धरिष्यन्ति
भारतीयसेनया स्वस्य परिधानेन (uniform) प्रसाधनेन (grooming) च सम्बन्धितेषु नियमेषु महत् परिवर्तनं कृतम् अस्ति। सेनायाः नवीननियमावल्याः ‘आर्मी यूनिफॉर्म्स-२०२६’ इत्यस्य अन्तर्गतं बहवः तादृशाः प्रावधानाः परिवर्तिताः अपाकृताः वा, ये दीर्घकालात् ब्रिटिश-शासनकालस्य परम्परा इति मन्यन्ते स्म। सेनायाः कथनम् अस्ति यत् एतेषां परिवर्तनानाम् उद्देश्यं भारतीयसैन्यपरम्पराणां संरक्षणं कुर्वन् वर्दी-नियमान् देशस्य परिवर्तमानस्वरूपस्य वर्तमान-आवश्यकतानां च अनुकूलं निर्माणं वर्तते।
मुख्यबिन्दवः:
बंडी-वस्त्रस्य समावेशः-: १७४ पृष्ठानां नवीननियमावल्याः अनुसारम् इदानीं सेनायाः अधिकारिणः औपचारिक-परिधानेन (formal dress) सह कण्ठबन्धिनीं (बंद गले वाली) ‘बंडी’ इति जॅकेट्-वस्त्रं धर्तुं शक्ष्यन्ति। इयं प्रथमा सञ्चिका अस्ति यदा सेनया पारम्परिकं भारतीयवस्त्रं औपचारिकसैन्यपरिधानस्य भागं कृतम्।
विकल्पाः अनुमतिश्च-: अधिकारिभ्यः बन्दगला-परिधानेन, लाउञ्ज-सूटेन, कॉम्बिनेशन-परिधानेन अथवा कण्ठबन्धेन (टाई) सह ध्रियमाणेन औपचारिक-युतक-ऊरुक (शर्ट-पैंट) वस्त्रेण साकम् अपि ‘बंडी’ धर्तुम् अनुमतिः दत्ता अस्ति।
गरिमायाः ध्यानम्-: यद्यपि एतदर्थं वर्णं (रंग) रूपरेखां (डिजाइन) च अधिकृत्य केचन मानदण्डाः निर्धारिताः सन्ति, येन परिधानस्य (वर्दी) गरिमा सुरक्षिता भवेत्।