केन्द्रीयस्वास्थ्यमन्त्री जे.पी.नड्डः जिनेवानगरे विश्वस्वास्थ्यसङ्गठनस्य महानिदेशकेन डॉ. टेड्रोस महोदयेन सह अमिलत्

केन्द्रीयस्वास्थ्यमन्त्री जे.पी.नड्डः जिनेवानगरे विश्वस्वास्थ्यसङ्गठनस्य महानिदेशकेन डॉ. टेड्रोस महोदयेन सह अमिलत्
केन्द्रीयस्वास्थ्य-एवं-परिवारकल्याणमन्त्री जगत्प्रकाशनड्डः स्विट्जरलैण्डदेशस्य जिनेवानगरे आयोजितायाः एकोनाशीतितमायाः (79th) विश्वस्वास्थ्यसभयाः अवसरे विश्वस्वास्थ्यसङ्गठनस्य महानिदेशकं डॉ. टेड्रोस अधानोम घेब्रेयसस महोदयं अमिलत्। स्वास्थ्यमन्त्रालयेन सामाजिकमाध्यमे एकेन सन्देशेन ज्ञापितं यत् श्रीनड्डः वैश्विकस्वास्थ्यसमतां प्रवर्धयितुं भारतस्य प्रतिबद्धतां पुनरुक्तवान् तथा च आयुष्मान् भारत डिजिटल मिशन, आयुष्मान् आरोग्य मन्दिरं, पारम्परिकचिकित्सा, एआई-(आर्टिफिसियल इन्टेलिजेंस)-आधारित-जनस्वास्थ्यनवोन्मेषाः, यक्ष्मा-(टीबी)-उन्मूलनदिशि निरन्तरप्रयासाः इत्यादीन् प्रमुखानं कार्यक्रमान् प्रकटीकृतवान्। मन्त्री ‘विश्वस्य औषधालयः’ (फार्मेसी) इति रूपेण देशस्य भूमिकायाः उपरि अपि बलं दत्तवान्।
उपवेशनस्य समये, विश्वस्वास्थ्यसङ्गठनस्य (डब्ल्यूएचओ) महानिदेशकः भारतस्य स्वास्थ्यक्षेत्रे परिष्काराणां वैश्विकस्वास्थ्यसहभागितासु च नेतृत्वस्य प्रशंसां कृतवान्, तथा च सार्वजनिकतथ्यानां प्राथमिकतानां च आधारेण विश्वस्वास्थ्यसङ्गठनेन सह सहयोगं सुदृढं कर्तुं प्रतिबद्धतां प्रकटितवान्। श्रीनड्डः एकोनाशीतितमायां विश्वस्वास्थ्यसभायां भागं ग्रहीतुं ह्यः रात्रौ स्विट्जरलैण्डदेशं प्राप्नोत्। स्वास्थ्यसभयाः समापनं शनिवारे भविष्यति।