बिहार-राज्ये मुख्यमन्त्री-सम्राट-चौधरी-इत्यस्य नेतृत्वे मन्त्रिमण्डलस्य विस्तारः

बिहार-राज्ये मुख्यमन्त्री-सम्राट-चौधरी-इत्यस्य नेतृत्वे मन्त्रिमण्डलस्य विस्तारः अभवत्।
नितीश-कुमारस्य पुत्रेण सह द्वात्रिंशत् मन्त्रिणः च नूतनमन्त्रिमण्डले शपथ-वचनं स्वीकृतवन्तः ।
बिहार-राज्ये मुख्यमन्त्री-सम्राट-चौधरी-इत्यस्य नेतृत्वे मन्त्रिमण्डलस्य विस्तारः अभवत्। पटना-नगरस्य गान्धी-मैदान इत्यत्र आयोजिते भव्य-समारोहे राज्यपालः सेवानिवृत्तः लेफ्टिनेण्ट्-जनरल्-सैयद्-अता-हस्त्रैन् द्वात्रिंशत् नवनियुक्तेभ्यः मन्त्रिभ्यः पदस्य गोपनीयतायाश्च शपथं प्रदत्तवान्। मन्त्रिमण्डले अधुना भारतीय जनता पार्टीति दलस्य पञ्चदश, जनता दल-यूनाइटेड-दलस्य त्रयोदश, (रामविलास्) लोक-जनशक्ति-दलस्य द्वौ, हिन्दुस्तानी-आवाम्-मोर्चा तथा राष्ट्रिय-लोक-मोर्चा-दलयोः प्रत्येकतः एकः मन्त्री अस्ति। मन्त्रिणः प्रथमं पञ्च-समूहेषु, ततः षट्-समूहेषु च शपथं स्वीकृतवन्तः। शपथग्रहण-समारोहे सम्मिलितेषु प्रमुखेषु मन्त्रिषु जनता-दल-यूनाइटेड-दलस्य अध्यक्षस्य नितीश कुमारस्य पुत्रः निशान्त-कुमारः अपि आसीत्। उल्लेखनीयम् अस्ति यत् नितिश कुमारः गत-मासे राज्यसभां प्रति गन्तुं मुख्यमन्त्रीपदात् त्यागपत्रं समर्पितवान्।