HP ELECTION UPDATES- हिमाचलप्रदेशे नगर-निकायानां नगरनिगमानां च निर्वाचनस्य घोषणा, आचारसंहिता प्रवृत्ता
हिमसंस्कृतवार्ता:- शिमला।हिमाचलप्रदेशस्य ५१ नगर-निकायानां निर्वाचनानि १७ मई २०२६ दिनाङ्के भविष्यन्ति। राज्य- निर्वाचन- आयुक्तः अनिलखाची महोदयः मङ्गलवासरे चतुर्णां नगरनिगमानां (सोलन- मण्डी- धर्मशाला- पालमपुराणां) सहितानां ४७ नगरपञ्चायत- नगरपरिषदां च निर्वाचन-तिथीनां घोषणां कृतवान्। अनेन सहैव नगर-निकायेषु आचारसंहिता प्रवृत्ता जाता। अस्मिन् अन्तराले ४ नगरनिगमेषु, २५ नगरपरिषत्सु च निर्वाचनानि भविष्यन्ति। राज्य-निर्वाचन-आयुक्तः अनिलखाची शिमलायां संवाददातृसम्मेलने उक्तवान् यत् नगरनिगमैः सह २२ नगरपञ्चायतेषु अपि मतदानानि भविष्यन्ति। एतेषु १,८०,९६३ पुरुषाः तथा १,७९,८८२ महिलाः स्वमतस्य प्रयोगं करिष्यन्ति। १८ वर्षदेशीयाः १८०८ नूतनाः मतदातारः सन्ति ये प्रथमतया मतदानं करिष्यन्ति। कोऽपि मतदाता ‘सारथी’ एप- माध्यमेन स्वस्य स्वपरिवारस्य च नाम द्रष्टुं शक्नोति।
नामाङ्कनपत्राणि २९, ३० अप्रैल तथा २ मई (अपराह्णे ३ वादनपर्यन्तं) पूरयितुं शक्यन्ते। तेषां परीक्षणं ४ मई दिनाङ्के प्रातः १० वादने भविष्यति। नामाङ्कन-प्रत्याहरणस्य समयः ६ मई (प्रातः १० तः अपराह्णे ३ वादनपर्यन्तं) निश्चितः अस्ति। प्रत्याहरणानन्तरं तस्मिन्नेव समये निर्वाचन-चिह्नानि प्रदास्यन्ते। मतदान-केन्द्राणां सूची-प्रकाशनं २९ अप्रैल दिनाङ्के करणीयम्, यदा तु १७ मई दिनाङ्के प्रातः ७ वादनतः अपराह्णे ३ वादनपर्यन्तं मतदानं भविष्यति। नगरपञ्चायत-नगरपरिषदां मतगणना तस्मिन्नेव दिने भविष्यति, किन्तु चतुर्णां नगरनिगमानां मतगणना ३१ मई दिनाङ्के भविष्यति। अनिल-खाची महोदयः उक्तवान् यत् निगम- निर्वाचन- प्रत्याशी अधिकतमम् एकलक्षं (१,००,०००) रूप्यकाणि, नगरपरिषद्-प्रत्याशी ७५ सहस्ररूप्यकाणि तथा नगरपञ्चायत-प्रत्याशी ५० सहस्ररूप्यकाणि यावत् व्ययं कर्तुं शक्नुवन्ति।
२७ अप्रैल दिनाङ्कात् पश्चात् एव भविष्यति पञ्चायतीराज- निर्वाचनस्य घोषणा
अपरपक्षे, पञ्चायतीराज-संस्थानां कृते २७ अप्रैल दिनाङ्के मतदाता-सूची अन्तिमा भविष्यति। अतः सम्भावना अस्ति यत् तदनन्तरमेव पञ्चायतीराज- संस्थानां निर्वाचनानां घोषणा भवेत्। सम्प्रति केवलं नगर-निकायानां निर्वाचनानां घोषणा कृता।
३१ मई पर्यन्तं मुख्यालयं त्यक्तुं न शक्ष्यन्ति जिलाधीशाः उपमण्डलाधिकारिण: च
स्थानीय-निकाय-निर्वाचनानां घोषणानन्तरं राज्य- निर्वाचन-आयोगेन प्रदेशस्य सर्वे उपायुक्ताः (DC), उपमण्डलाधिकारिणः (SDM), जनपद- पञ्चायत- अधिकारिणः खण्डविकास- अधिकारिणश्च स्व-स्व-मुख्यालयेषु उपस्थिताः भवितुम् आदिष्टाः। आयोगेन स्पष्टीकृतं यत् विना अनिवार्य-कारणैः कोऽपि अधिकारी मुख्यालयं न त्यक्ष्यति। एषः निर्देशः उच्चतम-न्यायालयस्य तस्य आदेशस्य आधारेण दत्तः, यस्मिन् नगरनिकायानां पञ्चायतीराज-संस्थानां च सङ्घटनम् ३१ मई पर्यन्तं सुनिश्चितं कर्तुं कथितम् अस्ति।
HP ELECTION UPDATES- हिमाचलप्रदेशे नगर-निकायानां नगरनिगमानां च निर्वाचनस्य घोषणा, आचारसंहिता प्रवृत्ता
Himsanskritvarta: It is a non-profit project to promote Sanskrit journalism, whose aim is to make available material for reading Sanskrit news in educational institutions. Many Sanskrit teachers and Sanskrit lovers are contributing in this work. If you also want to cooperate in this work, then write Namaste on our WhatsApp number 7876636263.
Leave a comment