सर्वकारेण ग्रैष्मिक इति खरिफ-सस्यानां कृते पोषक-आधारित अनुदान-मूल्यानि अनुमोदितानि

सर्वकारेण फ़ास्क्रैटिक् तथा पोटैशिक्-उर्वरकयोः कृते अस्य वर्षस्य ग्रैष्मिक इति खरिफ-सस्यानां कृते पोषक-आधारित अनुदान-मूल्यानि अनुमोदितानि।
सर्वकारेण फ़ास्क्रैटिक् तथा पोटैशिक-उर्वरकयोः कृते अस्य वर्षस्य ग्रैष्मिक इति खरिफ-सस्यानां कृते पोषक-आधारित अनुदान-मूल्यानि अनुमोदितानि। नवदेहल्यां प्रसारमाध्यमान् सम्बोधयन् सूचना-प्रसारण-मन्त्री अश्विनी वैष्णवः अवदत् यत् अस्यवर्षस्य खरीफ-सत्रस्य कृते प्रायः सार्ध-एकचत्वारिंशत्सहस्र कोटि-रूप्यकाणां तात्कालिक-आयव्ययकेत्यस्य आवश्यकता भविष्यति। सः अवदत् यत्, अनेन कृषकाणां कृते सुलभमूल्येन उर्वरकानां उपलब्धता सुनिश्चितं भविष्यति। प्रहलादपुरातः टोडी-मोड-पर्यन्तं एकचत्वारिंशत् किलोमीटर-सुदीर्घस्य जयपुर-मेट्रो-फेज-द्वितीयस्यापि सर्वकारेण अनुमोदनं कृतम्। श्रीवैष्णवः अवदत् यत् अस्मिन् षड्त्रिंशत् स्थानकानां समावेशः भविष्यति तथा च अस्यां परियोजनायां त्रयोदश सहस्रकोटिरूप्यकाणां व्ययः भविष्यति। एषा परियोजना राजस्थान-मेट्रो-रेल्-कार्पोरेशन्-लिमिटेड् इत्यनेन कार्यान्वितम् भविष्यति, यत् भारतसर्वकारस्य राजस्थानसर्वकारस्य च समान-संयुक्त उद्यमः अस्ति।