पोतपत्तनमन्त्री सर्बानन्दसोनोवालः सामुद्रिकक्षेत्रस्य हितधारकैः सह परामर्शसभायाः अध्यक्षतां कृतवान्

पोतपत्तनमन्त्री सर्बानन्दसोनोवालः सामुद्रिकक्षेत्रस्य हितधारकैः सह परामर्शसभायाः अध्यक्षतां कृतवान्
पोतपत्तन-परिवहन-जलमार्गमन्त्री सर्बानन्दसोनोवालः पत्तन-सामुद्रिकक्षेत्राणां हितधारकैः (Stakeholders) सह परामर्शोपवेशनस्य (परामर्शसभायाः) अध्यक्षतां कृतवान्। अस्यां सभायां नौकायन-मार्गाणां, टर्मिनल-सञ्चालकानां, वाणिज्यिक-सङ्गठनानां च प्रतिनिधयः भागं गृहीतवन्तः, ये उदयमानानां आव्हानानां (Challenges) विषये विचार-विमर्शं कृतवन्तः।सभायां नौकायन-मार्गाणां, पोत-समयसारिण्याः (Ship schedules) तथा च माल-प्रवाहस्य समस्यानां विषये चर्चा जाता। विमर्शस्य मुख्यबिन्दुः परिचालनस्य निरन्तरतां सुनिश्चितीकर्तुम्, विलम्बं न्यूनीकर्तुम् तथा च आपूर्ति-शृङ्खलायाः (Supply chain) सुदृढतां रक्षितुं च आसीत्।
हितधारकाः परिवर्तनशीलानां परिस्थितीनां, विशेषतः ‘मध्य-पूर्व’ (Middle East) देशानां गन्तव्यानां कृते आयात-निर्यात-मालस्य आवागमनस्य विषये क्रियमाणान् प्रयत्नान् सूचितवन्तः। स्वसम्बोधने केन्द्रीयमन्त्री अवदत् यत् ‘पश्चिम-एशिया’ क्षेत्रे परिवर्तनशील-स्थितेः मध्ये देशस्य सामुद्रिक-व्यापारस्य सुरक्षायै सर्वकारेण त्वरितं समन्वितं च पदक्षेपं स्वीकृतम् अस्ति।