नीति-आयोगेन क्रीडोपकरण-विनिर्माण-क्षेत्रस्य निर्यात-क्षमतायाः उपरि प्रतिवेदनं प्रस्तुतम्

नीति-आयोगेन क्रीडोपकरण-विनिर्माण-क्षेत्रस्य निर्यात-क्षमतायाः उपरि प्रतिवेदनं प्रस्तुतम्
प्रतिवेदनस्य उद्देश्यम् -: नीति-आयोगेन नवदिल्ल्यां भारतस्य क्रीडोपकरण-विनिर्माण-क्षेत्रस्य (Sports Goods Manufacturing) निर्यात-क्षमतां साकारं कर्तुं एकं प्रतिवेदनं (Report) प्रस्तुतम्। अस्य मुख्योद्देश्यं भारतं ‘वैश्विक-क्रीडा-विनिर्माण-केन्द्र’ (Global Sports Manufacturing Hub) इति रूपेण स्थापितुं वर्तते।
निर्यात-प्रतिस्पर्धायाः सुदृढीकरणम् -:
अस्मिन् प्रतिवेदने सूक्ष्म-लघु-मध्यम-उद्यमानां (MSME) लाभं स्वीकर्तुम्, अनुसन्धान-विकासयोः (R&D) प्रोत्साहनं दातुम्, निर्यात-प्रतिस्पर्धां वर्धयितुं च गुणवत्ता-मानकेषु (Quality Standards) ध्यानं केन्द्रितं कृतम् अस्ति।
उपाध्यक्षस्य वक्तव्यम् -:
अस्मिन् अवसरे नीति-आयोगस्य उपाध्यक्षः सुमन बेरी महोदयः देशस्य औद्योगिकक्षेत्रेषु, विशेषतः ‘एमएसएमई’ (MSME) क्षेत्रे प्रतिस्पर्धात्मकतां निर्यात-अभिमुखतां च सुदृढीकर्तुं आवश्यकतायाः उपरि बलं दत्तवान्। सः अवदत् यत् वैश्विकस्तरे एकीकृत-विनिर्माण-पारिस्थितिकीतन्त्रस्य (Manufacturing Ecosystem) निर्माणाय नीतिनिर्धारकाणां, उद्योग-हितधारकाणां, नवप्रवर्तकानां (Innovators) च मध्ये महत्तरः सहयोगः आवश्यकः अस्ति।
मुख्यकार्यकारी-अधिकारिणः विचारः -:
नीति-आयोगस्य मुख्यकार्यकारी-अधिकारिणी (CEO) निधि छिब्बर महोदया अकथयत् यत् यद्यपि भारतस्य पार्श्वे क्रीडोपकरण-विनिर्माणस्य केषुचित् क्षेत्रेषु सुदृढाः क्षमताः सन्ति, तथापि अन्येषु क्षेत्रेषु क्षमतानां विकासः अनिवार्यः अस्ति।