सर्वकारेण गृहेभ्यः, चिकित्सालयेभ्यः, शैक्षणिकसंस्थाभ्यः अन्याभ्यः अत्यावश्यकसेवाभ्यश्व अबाधितरूपेण तैलेन्धनस्य आपूर्तेः आश्वासनं दत्तम्

सर्वकारेण गृहेभ्यः, चिकित्सालयेभ्यः, शैक्षणिकसंस्थाभ्यः अन्याभ्यः अत्यावश्यकसेवाभ्यश्व अबाधितरूपेण तैलेन्धनस्य आपूर्तेः आश्वासनं दत्तम् ।
हिमसंस्कृतवार्ता: – सर्वकारेण गृहेभ्यः, चिकित्सालयेभ्यः, शैक्षणिकसंस्थाभ्यः अन्याभ्यः अत्यावश्यकसेवाभ्यश्व अबाधितरूपेण तैलेन्धनस्य आपूर्तेः आश्वासनं दत्तम् अस्ति। तैलशोधन-निगमेषु गार्हस्थ्य-एलपीजी इत्यस्य उत्पादनं त्रिंशत्प्रतिशतात् अधिकं वर्धितम्। पेट्रोलियम-प्राकृतिक-वायवेन्धन-मन्त्रालयस्य संयुक्त-सचिवा सुजाता शर्मा नवदेहल्याम् आयोजितायां पश्चिम-एशियायाः साम्प्रतिक-घटनाक्रमाणाम् अन्तर्मन्त्रालयीय-वार्तायाम् इमां सूचनां दत्तवती । सा उक्तवती यत् उपभोक्तृभ्यः प्राथमिकतया वितरणार्थं राज्यसर्वकारेभ्यः वाणिज्यिक-वायवेन्धन-पात्राणि उपलब्धानि कृतानि सन्ति। सा सूचितवती यत् वाहनेभ्यः लोकोपयोगाय पीएनजी तथा सीएनजी इत्यनयोः आपूर्तिः न्यूनतया विना सुनिश्चिता क्रियते। सर्वान् अल्पशो-विक्रेतून् अपि ईधन-वितरण-समये दिशा-निर्देशानां कठोरतया पालनं कर्तुं निर्देशितम् अस्ति तथा च नियमानाम् उल्लङ्घने सति दृढ-कार्याचरणं भविष्यति। सा एतदपि असूचयत् यत् नियमित-आपूर्तेः उपरि अष्ट-चत्वारिंशत्-सहस्र किलोलीटर-मितस्य केरोसिन इति मृत्तिका-तैलस्य अतिरिक्तम् आवंटनं सर्वेभ्यः राज्येभ्यः केन्द्रशासितप्रदेशेभ्यश्च प्रदत्तम् अस्ति। मृत्तिका-तैलस्य वितरणं सुकरं कर्तुं जनपद-स्तरीयानि स्थानानि चिह्नीकर्तुं राज्यानि केन्द्रशासितप्रदेशाश्व निवेदिताः सन्ति।