धौतवस्त्रं-करांशुकं धारयन्तः वेद-छात्राः क्रिक्रेटक्रीडां क्रीडितवन्तः , ,

धौतवस्त्रं-करांशुकं धारयन्तः वेद-छात्राः क्रिक्रेटक्रीडां क्रीडितवन्तः , संस्कृतविवरेण अभवत् प्रसारणम्
वाराणसी । धार्मिकनगरे काशीनगरे वेदछात्राः संस्कृतछात्राः च पारम्परिकधौतवस्त्रेण करांशुकेन च क्रिकेट्-क्रीडां कृतवन्तः, येन मंगलवासरे क्रीडायाः संस्कृतेश्च च अद्वितीयं मिश्रणं प्रस्तुतम्। ध्यातव्यमस्ति यत् पारम्परिकपरिधानैः सह क्रीडायाः प्रसारणमपि संस्कृतभाषया एव अभवत्, येन प्रेक्षकाः विशेषतया आकृष्टाः अभवन् । शास्त्रार्थमहाविद्यालयस्य (दशाश्वमेध) ८२ तमे स्थापनादिवसस्य अवसरे रेवडीतडागस्थे जयनारायणघोषान्तरमहाविद्यालयस्य क्रीडाङ्गणे “संस्कृतक्रिकेटप्रतियोगिता” आयोजिता। प्रतियोगितायां चत्वारि दलानि भागं गृहीतवन्तः। सर्वे क्रीडकाः धौतवस्त्रेण-करांशुकेन, त्रिपुण्ड्, चन्दनतिलकं, रुद्राक्ष-मणिं च धारयित्वा क्रीडाङ्गणं गृहीतवन्तः, निर्णायका अपि तथैव पारम्परिकवेषं धारयन्ति स्म।अस्मिन् अष्टचक्रीय-क्रीडायां प्रत्येकं कन्दुकक्षकेपकं द्वे-द्वे चक्रे कन्दुकक्षेपणार्थं शक्नोति स्म, उभयतः फलकक्रीडा च भवति स्म । संस्कृतभाषायां प्रचलितं प्रसारणं अस्य मेलनाय विशिष्टं चरित्रं दत्त्वा प्रेक्षकान् आकर्षयति स्म , आयोजकः महाविद्यालयस्य प्राचार्यः च डॉ. पवनकुमारशुक्लः अवदत् यत् अस्य आयोजनस्य उद्देश्यं वेदस्य अध्ययनं कुर्वन्तः छात्राः केवलं धार्मिककार्येषु एव सीमिताः न सन्ति, अपितु क्रीडायां अपि पूर्णतया समर्थाः सन्ति इति सन्देशं प्रसारयितुं आसीत्। सः अपि अवदत् यत् छात्राणां सर्वाङ्गविकासाय विद्यालये नियमितरूपेण एतादृशाः कार्यक्रमाः आयोजिताः भवन्ति। विजेतारः सहभागिनः च दलानि ३० जनवरी दिनाङ्के सम्मानिताः भविष्यन्ति।