चिट्टे कन्ने चिट्टा रंग बदनाम होइ गया
चस्का चिट्टे दा सब जगह आम होइ गया
बर्बाद जवानी पिचकू गालां जो दिखी दिखी
अम्मा बापू रा रोना सवेरे शाम होइ गया
चिट्टे कन्ने चिट्टा रंग बदनाम होइ गया
सुर्खी साइं लाल थे हुण पत्ते सांइ झुला दें
नशयां सिंघी सिंघी ए भयागा संझा टुला दें
टुली टुली करी जीवन तमाम
होइ गया
चिट्टे कन्ने चिट्टा रंग बदनाम होइ गया
चस्का चिट्टे दा सब जगह आम होइ गया
खोकला शरीर भलयो हुण टैं टैं बोला दा
पलयो देये मूंहें ने जवान तां तां डोला दा
लाले ने लाली थी कन्ने हरे ने हरियाली थी
बुजुर्गां सोगी बैंदे थे जिंदगी मतवाली थी
पर भाउ इस चिट्टे सारी रौनक सौती ती
क्या दसिए चिट्टेखोरां मुंहे कालख पोती ती
चिट्टे दा सारे गबरुआं पर जाल होइया
चिट्टे कने चिट्टा रंग बदनाम होइ गया
रजनीश अवस्थी
