प्रधानमन्त्री नरेन्द्रमोदी अद्यारभ्य गुजरातराज्यस्य त्रिदिवसीय यात्रायां भविष्यति।
हिमसंस्कृतवार्ता: –
प्रधानमन्त्री नरेन्द्रमोदी अद्यारभ्य गुजरातराज्यस्य त्रिदिवसीय यात्रायां भविष्यति। प्रधानमन्त्री सायङ्काले सोमनाथं गत्वा ओंकारमन्त्रस्य जपे भागं ग्रहीष्यति। सः सोमनाथ-मन्दिरे ड्रोन-प्रदर्शन-कार्यक्रमम् अपि द्रष्टुं शक्नोति। रविवासरे प्रधानमन्त्री सोमनाथमन्दिरस्य रक्षणार्थं प्राणाहुतिं कृतानां असंख्य-योद्धृणां सम्माने आयोजिते औपचारिकयात्रायां भागं ग्रहीष्यति। पश्चात् दिने, प्रधानमन्त्री कच्छ-सौराष्ट्र-क्षेत्रयोः कृते आयोजिते वायब्रेन्ट-गुजरात-क्षेत्रीयसम्मेलने भागं ग्रहणाय राजकोट नगरं गमिष्यति। प्रथम-ज्योतिर्लिङ्गे चतुर्दिवसीयः सोमनाथ-स्वाभिमान्-पर्वाय, पवित्रं सोमनाथ नगरं दिव्य-दृश्यरूपेण परिवर्तितम् अस्ति। प्रधानमन्त्री नरेन्द्रमोदी उत्सवेषु भागं ग्रहणाय तत्र संप्राप्स्यति, अतः सम्पूर्णः प्रदेशः आध्यात्मिक-उत्साहेन, राष्ट्रिय-परिचयस्य गहन-भावनया च प्रतिध्वनितः अस्ति। सोमवासरे प्रधानमन्त्री अहमदाबाद्-नगरे जर्मन्-चान्सलर् फ्रेडरिक-मर्ज इत्यनेन सह मेलनं करिष्यति। प्रधानमन्त्रिणः मोदिनः आमन्त्रणे चान्सलर मर्ज-वर्यः जनवरीमासस्य द्वादश-त्रयोदश दिनाङ्कयोः भारतस्य आधिकारिकयात्रायाम् आगमिष्यति। इदं तस्य भारतस्य प्रथमम् आधिकारिकं भ्रमणम् भविष्यति। उभौ नेतारी साबरमती-आश्रमं गत्वा साबरमती नद्याः पार्श्वे अन्ताराष्ट्रिय-वाताट-महोत्सवे भागं ग्रहीष्यतः। तदनन्तरं गान्धीनगरस्य महात्मा-मन्दिरे उभयोः देशयोः मध्ये वार्तालापं भविष्यति।
प्रधानमन्त्री नरेन्द्रमोदी अद्यारभ्य गुजरातराज्यस्य त्रिदिवसीय यात्रायां भविष्यति।
Himsanskritam is a non-profit trust (Reg. No. 86/2026) dedicated to promoting Sanskrit journalism, local dialects, and the rich culture and folklore of Himachal Pradesh. Many Sanskrit educators and cultural enthusiasts actively contribute to this mission. If you would like to support our initiative and become a member, send "Namaste" to our WhatsApp number: 7876636263.
Leave a comment