जयपुरस्य सवाई-मान-सिंह-चिकित्सालये अग्निकाण्डस्य घटनायाः अन्वीक्षणाय षट्-सदस्यानां उच्च-स्तरीय समितेः ग्रन्थनम्

जयपुरस्य सवाई-मान-सिंह-चिकित्सालये अग्निकाण्डस्य घटनायाः अन्वीक्षणाय षट्-सदस्यानां उच्च-स्तरीय समितेः ग्रन्थनम् ।
हिमसंस्कृतवार्ता: – जयपुरस्य सवाई-मान-सिंह-चिकित्सालये अग्निकाण्डस्य घटनायाः अन्वीक्षणाय चिकित्सा-शिक्षायुक्तस्य अध्यक्षतायां षट्-सदस्यानां उच्च-स्तरीय समितेः ग्रन्थनं कृतमस्ति। ध्यानास्पदं वर्तते यत् अस्यां घटनायां षट् जनानां मृत्युः जाता आसीत्। चिकित्सालयस्य द्वितीये भवनस्थे ट्रॉमा-आईसीयू इत्यत्र अग्निः समुत्थापितः यत्र एकादश-रुग्णाः चिकित्सारताः आसन्। ट्रॉमा सेंटर इत्यस्य प्रभारी डॉ. अनुराग धाकड़ः अकथयत् यत् शॉर्ट सर्किट इत्यनेन कारणेन अग्निकाण्डम् अभवत् तीव्रगत्या च अग्निप्रसरणेन विषाक्तवातिः निर्गता सर्वत्र प्रसरिता च।
मृतकानां परिवारेभ्यः प्रधानमन्त्रिणा स्वकीया सम्वेदना प्रकटिता ।
प्रधानमंत्रिणा नरेंद्रमोदिना अस्यां दुर्घटनायां जातेषु मृत्युषु दुःखः प्रकटितः अस्ति । एकस्मिन् सामाजिक-संदेशे, श्रीमोदी अकथयत् यत् अनया घटनया तेन अत्यन्तं दुःखम् अनुभूतम् अस्ति सहैव मृतकानां परिवारेभ्यः अपि प्रधानमन्त्रिणा स्वकीया सम्वेदना प्रकटिता अस्ति । राजस्थानस्य मुख्यमंत्री भजन-लाल-शर्मा व्रणितेभ्यः उचितं चिकित्सावौविध्यं प्रदातुम् आश्वासनं प्रायच्छत्। सवाई-मान-सिंह-चिकित्सालयस्य यात्रां विधाय अनन्तरं, मुख्यमंत्री एक्स इत्यत्र एकं संदेशं प्रकाशयन् अकथयत् यत् स्थितिः निरन्तरं अवलोक्यते ।