अजमेरः- कार्यशालाया: द्वितीये दिवसे एकीकृतशिक्षणं, मूल्यशिक्षणं, अधिगमस्तर:, बहुभाषावादश्च समालोकितः

अजमेरः-कार्यशालाया: द्वितीये दिवसे एकीकृतशिक्षणं, मूल्यशिक्षणं, अधिगमस्तर:, बहुभाषावादश्च समालोकितः।
हिमसंस्कृतवार्ता:- डॉ. अमित शर्मा, अजमेर।
राजस्थानस्य अजमेरस्थे क्षेत्रीयशिक्षामहाविद्यालये जायमानाया: उत्तरक्षेत्रीय- राज्यानां पञ्चदिवसीयाया: अभिविन्यासकार्यशालाया: द्वितीये दिवसे विविधा विषया: समालोकिता:। प्रारम्भे राज्यस्य प्रतिनिधिभि: गतदिनस्य विवरणं स्थापितम्। हिमाचलप्रदेशस्य संस्कृतशिक्षक: डॉ. अमितशर्मा सर्वप्रथमं विवरणं प्रस्तुतवान्। चंडीगढ़स्य आंग्लशिक्षिका ईशा अपि विवरणं प्रस्तुतवती। तदनु हरियाणाप्रान्तस्य राजस्थानस्य च प्रतिनिधयः अपि विवरणस्य प्रस्तुतिं कृतवन्तः।
प्रथमसत्रम्- प्रथमसत्रे डॉ. अमृता कात्यायनी एकीकृतशिक्षणं, मार्गदर्शनं, परामर्शनं मूल्यशिक्षा च विवेचितवती। हिंदी पाठ्यपुस्तकस्य माध्यमेन सा पुस्तकस्य सन्देश- मूल्य- संस्कृतेश्च समायोजनं दर्शितवती।
सहैव डॉ. राजीव रंजन: अपि स्वविषयं स्थापितवान्। तेन शिक्षणे विशेष आवश्यकतायुक्तबालानां प्रकारा:, तेषां बाधकतत्त्वानि समाजस्य भूमिका च सम्यक् प्रतिपादिता।
द्वितीयसत्रम्- द्वितीये सत्रे डॉ. के वी श्रीदेवी अधिगमस्तराणां, अधिगमसम्प्राप्तीनां च विवेचनं कृतवती। छात्राणाम् अधिगमक्षमतानां, अधिगमस्य बाधानां च वर्णनं तया बोधितम्।
तृतीयसत्रम्- अस्मिन् सत्रे शिक्षणे बहुभाषिकतावादस्य महत्त्वं विवेचितम्। अस्मिन् सत्रे प्रो. आयुष्मान गोस्वामी, प्रो मीनाक्षी खार च स्व स्व विषयं समुपस्थापितवन्तौ। भाषाया: का शक्ति: या मनसि भावं जनयति आनन्दं च उत्पादयति इति प्रो गोस्वामीवर्या: अनंतोर्जा युक्तेसत्रे योजितवन्त:।
चतुर्थसत्रम्- भाषागतपाठयपुस्तकानां विविध- अभिविन्यासः अस्मिन् सत्रे शिक्षकै: कृत:। विभिन्नदलेषु उपविश्य तै: स्वविषयस्य पुस्तकस्य स्वरूपं ज्ञातम्।
हिमाचल प्रदेशस्य संस्कृत शिक्षक: डॉ. अमित शर्मा गतदिनस्य विवरणं प्रस्तुतवान्।