प्रधानमन्त्री श्रीनरेन्द्रमोदी पाण्डुलिप्याः अङ्कीकरणस्य ज्ञानभारतम् पोर्टल् इति डिजिटलमञ्चस्य शुभारम्भ: कृतवान्

प्रधानमन्त्री श्रीनरेन्द्रमोदी पाण्डुलिप्याः अङ्कीकरणस्य ज्ञानभारतम् पोर्टल् इति डिजिटलमञ्चस्य शुभारम्भ: कृतवान्
हिमसंस्कृतवार्ता: – प्रधानमन्त्री श्रीनरेन्द्रमोदी नवदिल्लीनगरे ज्ञानभारतमित्यस्मिन् विषये अन्ताराष्ट्रियसम्मेलने सम्मिलितः। सः पाण्डुलिप्याः अङ्कीकरणस्य, संरक्षणस्य, जनपरिवेषणस्य च त्वरितरूपेण निष्पादनाय समर्पितं ज्ञानभारतम् पोर्टल् इति डिजिटलमञ्चस्य शुभारंभोपि कृतवान्, अथ अस्मिन् अवसरे सभामपि सम्बोधितवान्। अवधेयम्, यत् “पाण्डुलिपिपरम्परायाः माध्यमेन भारतस्य ज्ञानपरम्परायाः पुनः प्राप्तिः” इत्यस्मिन् विषये त्रिदिवसीयसम्मेलनस्य आरम्भः अभवत् ।
सम्मेलन-माध्यमेन, भारतस्य अप्रतिमपाण्डुलिपिसम्पदः पुनः सम्पुष्टीकरणस्य मार्गेषु विचारं कर्तुं, वैश्विकज्ञानसंवादस्य हृदये स्थापयितुं च, प्रमुखविद्वांसः, संरक्षणविदः, प्रौद्योगिकीविदः, नीतिविशेषज्ञाः च एकत्र आगताः सन्ति।