“प्रो. रमाकान्तपाण्डेयः ‘कविआचार्य रेवाप्रसादद्विवेदिसम्मान’ इत्यनेन अलङ्कृतः”

“प्रो. रमाकान्तपाण्डेयः ‘कविआचार्य रेवाप्रसादद्विवेदिसम्मान’ इत्यनेन अलङ्कृतः”
हिमसंस्कृतवार्ता:- प्रवेशकुमारशुक्ल, भोपालम्) केन्द्रीयसंस्कृतविश्वविद्यालयस्य भोपालपरिसरस्य यशस्वीनिदेशकः प्रो. रमाकान्तपाण्डेयः सनातन- कवि- आचार्य- रेवाप्रसादद्विवेदिसम्मान इत्यनेन अलङ्कृतः। अस्य सम्मानस्य प्रदाने अवसरः आसीत् महर्षेः पतञ्जलेः जन्मजयंतीमहोत्सवः यः उत्तरप्रदेशस्य वाराणस्यां नागकुप- शास्त्रार्थ- समित्या आयोजितः। प्रो. पाण्डेयस्य नेतृत्वे प्रायः त्रिंशत् अनुसंधानच्छात्राः पीएचडी उपाधिं प्राप्तवन्तः। तेन अनेकानि संस्कृत-नाटकानि निर्देशितानि, येषां प्रस्तुतीः विदेशेषु अपि सम्पन्नाः। अद्यतनेषु दिवसेषु प्रो. पाण्डेयेन पञ्चषष्टिः ग्रन्थाः, एकशतम् अशीतिः च शोधपत्राणि प्रकाशितानि। तस्य समीक्षा-निपुणतायाः, संपादन-कुशलतायाः च कारणेन तेन प्रायः पञ्चदशसम्मानाः लब्धाः। प्रो. पाण्डेयः विभिन्न-विश्वविद्यालयेषु पाठ्यक्रमनिर्माणे अपि योगदानं दत्तवान्, यत्र कुरुक्षेत्रविश्वविद्यालयः, इग्नू च विशेषतया प्रमुखौ स्तः। राष्ट्रस्य विविधानि विश्वविद्यालयानि आयोजितेषु शोध-संगोष्ठीषु तेन बीजवक्तव्यानि, शोधपत्रप्रस्तुतयः च दत्ताः। विदेशेषु थाईलैण्ड, लन्दन, आयरलैण्ड, नेपालदेशे च तेन व्याख्यानानि प्रदत्तानि। अद्यतनकाले सः भोपालपरिसरस्य निदेशकः, भाषा- साहित्य- संस्कृतिसंकायस्य अधिष्ठाता, नाट्यशास्त्राध्ययन- परिषदस्य अध्यक्षा: च सन्ति।