सीपी राधाकृष्णनः आगामी उपराष्ट्रपतिनिर्वाचनस्य राष्ट्रियलोकतांत्रिकगठबन्धनस्य (एनडीए) प्रत्याशी भविष्यति

महाराष्ट्रस्य राज्यपालः सीपी राधाकृष्णनः आगामी उपराष्ट्रपतिनिर्वाचनस्य राष्ट्रियलोकतांत्रिकगठबन्धनस्य (एनडीए) प्रत्याशी भविष्यति
हिमसंस्कृतवार्ताः। महाराष्ट्रस्य राज्यपालः सीपी राधाकृष्णन आगामी उपराष्ट्रपतिनिर्वाचनस्य राष्ट्रियलोकतांत्रिकगठबन्धनस्य (एनडीए) प्रत्याशी भविष्यति। नवदिल्लीनगरे दलस्य मुख्यालये भाजपा संसदीयमण्डलस्य बैठक्याः अनन्तरं पत्रकारसम्मेलने भाजपा अध्यक्षेन केन्द्रमन्त्री च जेपी नड्डा इत्यनेन एतस्य घोषणा कृता। नड्डामहोदयः अवदत् यत् एनडीए-सङ्घस्य सर्वे मित्रदलानि अस्य निर्णयस्य समर्थनं कृतवन्तः। सः अवदत् यत् भाजपायाः उद्देश्यं सर्वेषां राजनैतिकदलानां मध्ये सहमतिः निर्मातुं वर्तते येन उपराष्ट्रपतिनिर्वाचनं सर्वसम्मत्या एव भवति। सः अवदत् यत् गतसप्ताहे एनडीए-सहयोगिभिः विपक्षदलैः च अस्मिन् विषये सम्पर्कः कृतः। प्रधानमन्त्री नरेन्द्र मोदी, दलाध्यक्षः स्वास्थ्यमन्त्री जेपी नड्डा, गृहमन्त्री अमितशाहः, रक्षामन्त्री राजनाथसिंहः इत्यादयः बोर्डसदस्याः सहभागिनः आसन्। आगामिमासस्य ९ दिनाङ्के निर्वाचनं भविष्यति। उपराष्ट्रपतिपदात् जगदीपधनखरस्य त्यागपत्रस्य कारणेन निर्वाचनं आवश्यकं जातम्।