अत्यधिकवृष्टेः सततप्रभावात् अमरनाथयात्रा सर्वथा निरुद्धा

अत्यधिकवृष्टेः सततप्रभावात् अमरनाथयात्रा सर्वथा निरुद्धा
हिमसंस्कृतवार्ताः। अत्यधिकवृष्टेः सततप्रभावात् समतलक्षेत्रेषु पर्वतेषु च विनाशः जायमानः अस्ति। आकाशात् प्रचण्डवृष्टिः भूमौ विनाशं जनयति । वर्षाकारणात् अनेकस्थानेषु मार्गाः भग्नाः अभवन् इति कारणेन अमरनाथयात्रा समयात् एकसप्ताहपूर्वं समाप्तुं प्रवृत्ता आसीत् । शनिवासरे प्रातःकाले जम्मू-कश्मीरस्य कथुआ-उधमपुर-नगरयोः प्रचण्डवृष्ट्या, भूस्खलनस्य च कारणेन द्वौ सेतू पतितौ, पञ्चसु गृहेषु दरारः अपि दृश्यन्ते। उत्तराखण्डस्य चमोलीनगरे जलविद्युत्परियोजनायाः भूस्खलनेन १२ श्रमिकाः घातिताः। हिमाचले चतुर्णां राष्ट्रियराजमार्गाणां सहितं ३८७ मार्गाः पिहिताः सन्ति । तस्मिन् एव काले पञ्जाब-राजस्थान-मध्यप्रदेशयोः जलप्रलयस्य कारणेन दुर्गतेः स्थितिः अस्ति। सेना राहत-उद्धार-कार्यक्रमं तीव्रं कृतवती अस्ति । कश्मीरस्य संभागीय आयुक्तः विजयकुमार बिधुरी इत्यनेन उक्तं यत् तीव्रवृष्ट्या श्री अमरनाथजीयात्रायाः, बालतालस्य, पहलगामस्य च द्वयोः मार्गयोः अत्यधिकाः क्षतिः अभवत्। अनेकस्थानेषु मार्गाः भग्नाः इति कारणेन यात्रा अगस्तमासस्य ३ दिनाङ्कपर्यन्तं स्थगिता आसीत् । परन्तु अधुना गम्भीरस्थितिं दृष्ट्वा यात्रा सर्वथा निरुद्धा अस्ति। पूर्वम् अस्याः यात्रायाः समाप्तिः अगस्तमासस्य ९ दिनाङ्के रक्षाबन्धनदिने भवितव्या आसीत् । सः अवदत् यत् अस्मिन् वर्षे ४.१० लक्षं भक्ताः बाबा बर्फानी इत्यस्य दर्शनं कृतवन्तः।