राष्ट्रपतिः द्रौपदी-मुर्मू: आई.आई.टी.आई.एस.एम. धनबादे सम्प्राप्य छात्रान् प्रेरितवती

हिमसंस्कृतवार्ता: – राष्ट्रपतिः द्रौपदी-मुर्मू: आई.आई.टी.आई.एस.एम. धनबाद इत्यस्य स्रातकविद्यार्थिनः 2047 तमे वर्षे विकसित-भारतस्य लक्ष्यं साधयितुं उत्प्रेरकरूपेण कार्यं कर्तुं प्रार्थयत्। राष्ट्रपतिः द्रौपदी-मुर्मूवर्या झारखण्डस्य धनबाद-नगरे भारतीय-प्रौद्योगिकी संस्थानस्य-भारतीय-खनन-विद्यालयस्य (आई.आई.टी.आई.एस.एम.) इत्यस्य चतुःपञ्चाशत्तमे दीक्षान्त-समारोहे भागम् अभजत्। राष्ट्रपतिः तान्त्रिकसंस्थायाः स्थापनायाः शतस्य वैभवयुतवर्षाणां स्मरणार्थं विशिष्टं पोस्टल-स्टाम्प अपि प्रकाशितवती। संस्थायाः गौरवपूर्णस्य इतिहासस्य प्रशंसां कुर्वती राष्ट्रपतिः द्रौपदीमुर्मू इत्येषा उत्तीर्णान् छात्रान्, सरल-समाधानैः सह समस्यानां समाधानार्थं, संशोधनार्थं नवान्वेषणैः सह नूतन-प्रणालीं, प्रौद्योगिकीय-प्रगतिं च स्वीकर्तुं परामृष्टवती। सा अवोचत् यत् अत्याधुनिकप्रौद्योगिकीभिः सह बौद्धिक-अभियन्तृणां निर्माण आई. आई. टि. इत्यादिसंस्थाः महत्त्वपूर्णां भूमिकां निर्वोढुं शक्नुवन्ति, अपि च मानवजातिं प्रति सर्वे करुणामयाः, संवेदनशीलाः, सहानुभूताः च भवेयुः । हरितभारतस्य निर्माण, राज्यस्य, देशस्य, विश्वस्य च कृते प्रकृत्याः किमपि हानिं विना सुस्थिर-उपायान् अन्वेष्टुं च स्वकीय-तान्त्रिक-कौशलं उपयोक्तुं सा छात्रान् प्राचारयत्। राष्ट्रपतिः अवदत् यत् भारतस्य बृहत्तमा शक्तिः तस्य विशाल-मानवसंसाधनानि सन्ति । राष्ट्रपत्तिः सामान्यजनानां जनजातीयजनानां च समस्यानां समाधानार्थं प्रौद्योगिकी-उपयोगेन जनजातीय-उत्कृष्टता-केन्द्रस्य स्थापनार्थं संस्थायाः प्रयत्नान् अपि प्राशंसत्। सा आदिवासिजनानां कृते नूतनप्रथाः प्रवर्तयितुं, डिजिटल्-शिक्षण-उपायान् प्रदातुं च संस्थानस्य दूरदृष्टि अपि प्राशंसयत्। तत्पूर्व राष्ट्रपतिः संस्थाने स्थापितस्य अटल-नवान्वेषणकेन्द्रे सामुदायिक-नवान्वेषणविषये आदिवासि-महिलाभिः प्रदर्शितं प्रदर्शनम् अपि दृष्टवती। दीक्षान्तसमारोहे केन्द्रीय-शिक्षा-मन्त्री धर्मेन्द्र-प्रधानः, राज्यपालः सन्तोष-गङ्गवारः, झारखण्ड-राज्यस्य उच्च-शिक्षा-मन्त्री सुदिव्य-कुमारः च उपस्थिताः आसन्।