राष्ट्रिय-शिक्षा-नीतिः भारते वैश्विकस्तरीयशिक्षायाः कृते मार्गदर्शनं विदधाति – शिक्षामंत्री धर्मेन्द्र प्रधानः ।

राष्ट्रिय-शिक्षा-नीतिः भारते वैश्विकस्तरीयशिक्षायाः कृते मार्गदर्शनं विदधाति – शिक्षामंत्री धर्मेन्द्र प्रधानः ।
हिमसंस्कृतवार्ता: – शिक्षामंत्री धर्मेन्द्र प्रधानः अवदत् यत् राष्ट्रिय-शिक्षा-नीतिः (एन्. ई. पी.) 2020 विश्व-स्तरीय शिक्षां सार्वत्रिकरूपेण प्रवर्तयितुं परिकल्पित – दार्शनिक-संरचनायाः रूपेण कार्यं करोति, तथा च विकसित-भारतम् इति सङ्कल्पं साधयितुं सर्वाधिकं महत्त्वपूर्णं मार्गत्वेन वर्तते। नवदेहल्यां अखिल-भारतीय-शिक्षा-समागम-2025 इत्यस्य उद्घाटन सत्रे भाषमाणः, सः प्रतिपादितवान् यत् राष्ट्रिय-शिक्षा-नीतिः (एन्, ई. पी.) 2020 भारतीय-शिक्षा-व्यवस्थायां परिवर्तनशीलस्य पुनर्जागरणस्य प्रतिनिधित्वं करोति । सः अवोचत् यत् एन. ई. पी. 2020, राष्ट्रनिर्माणस्य हृदये शिक्षां स्थापयतः कालातीत-सभ्यताविषयक-लोकाचारस्य पुनरुत्थानं करोति। श्रीप्रधानः अवदत् यत् एषा नीतिः समग्रस्य, सर्वसमावेशकस्य, भविष्यस्य च कृते सज्जायाः शिक्षा-व्यवस्थायाः दृढम् आधारं स्थापयति । सः इतोऽपि अवधानं दत्तवान् यत् एन. ई. पी. 2020 शिक्षकाणां सशक्तीकरणं करोति, नवान्वेषणस्य पोषणं करोति, एकविंशतितमायां शताब्द्ययां वैश्विकनेतृत्वस्य कृते भारतस्य आकांक्षानाम् अनुरूपं च वर्तते।