भारतं विकासं परम्परां च स्वीकृत्य अवश्यं अग्रे गच्छति, राष्ट्रम् औपनिवेशिक-मनोवृत्तिञ्च त्यजेत् – प्रधानमन्त्री नरेन्द्रमोदी

भारतं विकासं परम्परां च स्वीकृत्य अवश्यं अग्रे गच्छति, राष्ट्रम् औपनिवेशिक-मनोवृत्तिञ्च त्यजेत् – प्रधानमन्त्री नरेन्द्रमोदी
हिमसंस्कृतवार्ता: – प्रधानमन्त्रिणा नरेन्द्रमोदिना उक्तं यत्, राष्ट्रम् विकासं परम्परां च स्वीकृत्य अवश्यं अग्रे गच्छति। नवदेहल्यां आचार्य-विद्यानन्द-जी-महाराजस्य शतवार्षिकोत्सवस्य उद्घाटनं कुर्वन्, प्रधानमन्त्री अवदत् यत् एतस्य संकल्पस्य आधारेण, सर्वकारः देशस्य सांस्कृतिकस्थलानां तीर्थस्थानानां च विकासं कुर्वन् अस्ति। प्रधानमन्त्री अवदत् यत्, केन्द्रेण प्राकृतभाषायै शास्त्रीयभाषायाः स्थानं प्रदत्तम्। भारतस्य प्राचीन-पाण्डुलिपीनाम् डिजिटलीकरणायै अभियानमपि प्रचलति। सः राष्ट्रम् औपनिवेशिक-चिन्तायाः मुक्तं कर्तुं प्रार्थयत्। प्रार्प्तवार्तानुसारं कार्यक्रमोऽयं आचार्य विद्यानन्दजी महाराजस्य शततमे जन्मोत्सवावसरे भगवान् महावीर-अहिंसा-भारती-न्यासेन सह सर्वकारेण आयोजितायाः एकवर्षात्मिकायाः राष्ट्रिय-श्रद्धांजल्याः औपचारिकारम्भस्य निदर्शनम् आसीत्।