पहाड़ीगल्लां-ख्यालां दे महलां

पहाड़ीगल्लां- ख्यालां दे महलां
ख्यालां दे महलां चिणदे चणदियां ।
उमरां चली गई घरां जो बसदियां ।।
बड़ी दूर बस्से न सै जाई असां ते ।
उमर चली गई मुड़ी फेरा पांदयां ।।
निहालप लगी रही लौ वी जगी रही ।
एह उमर चली गई सेजा सजदियां ।।
मुँहयें दे खुल्लेयां सब किछ गलाया ।
उमर चली गई पड़देयां पांदेयां ।।
आया स्नेहा न चिठियां ई आईयां ।
कि उमरां चली गेई कौआं उड़ांदेयां ।।
मनतां मनाईयां सुखणां चढ़ाईयां ।
उमर चली गई पत्थरां मनांदेयां ।।
सिथा करी उल्लू सब गांह होई गै ।
जिंद मुकी चली गेई फरजां नभांदेयां ।।
डुहम्गी बड़ी थी निंदयं तिन्हां दी ।
रात होई गई मितरां जगांदेयां ।।
जम्में पले जित्थू खेले बड़ोये सैह ।
कज्ज नी करदे से नारे लगांदेयां ।।
सिखणा तां तोतें सैही पाठ मितरो ।
पढ़ाणा जे रोज़ घड़े मंझ पदियां ।।
कुसूर ता तोते दा इतणा वी नी था ।
गुरु ई भुल्ली गै पढ़दे पढ़ांदेयां ।।
अम्ग लगाणी तां सौरखी बड़ी थी ।
उमर लगणी इसा जो बुझांदेयां ।।