प्रधानमन्त्रिणे मोदिने साइप्रसदेशेन ग्रैण्ड् क्रॉस् आफ् द आर्डर् आफ् मकारिओस् तृतीयं इत्याख्यः सर्वोच्च-नागरिकसम्मानः प्रदत्तः

प्रधानमन्त्रिणे मोदिने साइप्रसदेशेन ग्रैण्ड् क्रॉस् आफ् द आर्डर् आफ् मकारिओस् तृतीयं इत्याख्यः सर्वोच्च-नागरिकसम्मानः प्रदत्तः
हिमसंस्कृतवार्ता: – प्रधानमन्त्री नरेन्द्रमोदी भारत-साइप्रस देशयोः सहभागितया सह-प्रजातन्त्र मूल्येषु, विधिराज्ये च दृढतया निहितं वर्तते इति वर्णितवान्। सः अवदत् यत् द्वयोः देशयोः मैत्री परिस्थितिभिः न निर्मिता, सीमाभिः वा निरुद्धा नास्ति, मित्रता समयस्थित्यां दृढतया स्थितास्ति। श्रीमोदिना निकोसियानगरस्य राष्ट्रपतिभवने साइप्रसदेशस्य राष्ट्रपतिना निकोस-क्रिस्टो-डौलिडेस् इत्यनेन सह प्रतिनिधिमण्डलस्तरीय वार्तायाः अनन्तरं वार्ताहरान् सम्बोधयन् एतत् उक्तम्। सः अवदत् यत् साइप्रस-देशस्य पञ्चत्रिंशोत्तर द्विसहस्रतम वर्षस्य लक्ष्यं तथा भारतस्य सप्तचत्वारिंशोत्तर द्विसहस्रतम वर्षस्य विकसितभारत इत्येतयोः मध्ये बहु साम्यं वर्तते, आगामिषु पञ्चवर्षेषु सहभागितायाः भविष्यस्य स्वरूपं निर्मातुं मार्गचित्रं निर्मितं भविष्यति । प्रधानमन्त्रिणा भारतस्य अधिसीमं-आतङ्कवादविरुद्धे युद्धे समर्थनार्थं साइप्रस्-देशाय धन्यवादः अपि प्रदत्तः, आतङ्कवादस्य, मादकद्रव्याणां व्यापारस्य, शस्त्राणां गुप्त चौरम् तस्कर्याः च निवारणाय उभयोः देशयोः विभागानां मध्ये वास्तविकसमये सूचनाविनिमयतन्त्रस्य विकासस्य योजनां च घोषितवान्। प्रतिनिधिमण्डलस्तरीय वार्तायां उभौ नेतारौ भारत-साइप्रस सम्बन्धयोः समग्र विषयेषु व्यापक चर्चा कृतवन्तौ । रक्षा, सुरक्षा, प्रौद्योगिकी, स्वास्थ्यसेवा, नवीकरणीय ऊर्जा, जलवायुन्यायादिषु क्षेत्रेषु सहकार्यस्य विषये चर्चा कृतवन्तौ। साइप्रस् देशेन UNSC इत्यस्य स्थायीसदस्यत्वेन भारतेन सह संयुक्तराष्ट्रसङ्घस्य सुरक्षापरिषदि प्रतिनिधिचरित्रं प्रवर्धनाय स्वस्य समर्थनं पुनरुक्तम्। सद्यः एव जाते पहलगाम आतङ्कवाद-आक्रमणस्य विषये साइप्रस्-देशेन भारतस्य सीमापार-आतङ्कवाद-विरुद्ध-युद्धे एकतां, अटल-समर्थनं च प्रकटितम् । ततः पूर्वं श्रीमोदी राष्ट्रपतिनिकोस् क्रिस्टो डौलिडेस् इत्यनेन सह उपवेशनं कृतवान्, यस्मिन् समये साइप्रसदेशस्य राष्ट्रपतिना तस्मै ग्रैण्ड् क्रॉस् आफ् द आर्डर् आफ् मकारिओस् तृतीयेन साइप्रस् गणराज्यस्य सर्वोच्च-नागरिकसम्मानः प्रदत्तः। पुरस्कारोयं प्रधानमन्त्रिणं मोदिनं प्राप्तानां अन्तार्राष्ट्रीय-पुरस्काराणां वर्धमानसूच्यां योजयति। कृतज्ञतां प्रकटयन् श्रीमोदी अवदत् यत् एतत् भारतस्य एक दशमलव चत्वारि कोटिजनानाम् कृते गौरवम् अस्ति।