पराग्वेदेशस्य राष्ट्रपतिः सैन्टियागो पेन्ना प्लासिओस् भारतस्य यात्रायां प्रधानमन्त्रिणा साकं मिलितवान्

नवदेहल्यां प्रधानमन्त्री नरेन्द्रमोदी तथा पराग्वेदेशस्य राष्ट्रपतिः सैन्टियागो पेन्ना प्लासिओस् इत्येतयोः मध्ये प्रतिनिधिमण्डलस्तरीय वार्ता सञ्जाता
हिमसंस्कृतवार्ता: – नवदेहल्यां प्रधानमन्त्री नरेन्द्रमोदी तथा पराग्वेदेशस्य राष्ट्रपतिः सैन्टियागो पेन्ना प्लासिओस् इत्येतयोः मध्ये प्रतिनिधिमण्डलस्तरीय वार्ता सञ्जाता । अस्मिन् अवसरे उभौ नेतारौ द्विपक्षीयसम्बन्धानां सर्वेषां पक्षाणां समीक्षां कृतवन्तौ । प्रधानमन्त्रिणा नरेन्द्रमोदिना अस्मिन् अवसरे उक्तं यत् द्वयोः देशयोः अ‌ङ्कीयप्रौद्योगिकी, कृषिः, रक्षा, रेलमार्गः च अनेकेषु क्षेत्रेषु महद् संभावनाः विद्यन्ते। भारत-पराग्वे देशयोः मध्ये स्वच्छ ऊर्जा, हरित-इंधन तथा जैवईंधन चेत्येषु क्षेत्रेषु निज संबंधान् सुदृढ़ीकर्तुम् निर्णयो विहितः। सममेव उभौ देशौ अन्तर्जालीय अपराधः, मादक पदार्थानाम् अवच आदानं-प्रदानं च दूरी कर्तुम् निज प्रतिबद्धतां प्रकटितवन्तौ । सः अवदत् यत् भारतं पराग्वे च एकीभूय आतङ्कवादविरुद्धमस्ति। अवधेयं वर्त्तते यत् राष्ट्रपतिः सैन्टियागो भारतस्य त्रि-दिवसीय-यात्रायां गतदिवसे नवदेहलीं समागतः। विदेश मंत्री एस. जयशंकरः पराग्वेदेशस्य राष्ट्रपतिना सह मिलितवान् । सममेव उभयोः देशयोः मध्ये अनेकेषु क्षेत्रेषु सहयोगं कर्तुं श्री प्लासियोस-वर्यस्य सकारात्मिकायाः भावनायाः मार्गदर्शनस्य च प्रशंसां विहितवान्। डॉ. जयश‌ङ्करः विश्वासं प्रकटयन् अवदत् यत् उभयोः देशयोः परिचर्चायाः माध्यमेन पराग्वे-दक्षिण-अमेरिका-देशाभ्यां सह भारतस्य नूतनानि मार्गाणि प्रशस्तानि भविष्यन्ति। उपवेशनान्तरं वार्ताहरै: सह परिचर्चाम् कुर्वन् विदेश मंत्रालयस्य सचिवेन प्रोक्तम् यत् उभौ देशौ प्रौद्योगिकीय-क्षेत्रेषु सहयोगं संर्वधयितुं कार्यं कुर्वन्ति । पराग्वे लेटिन अमेरिकादेशे भारतस्य महत्त्वपूर्णः व्यापारिकः सहयोगी वर्तते । प्राप्तवार्तानुसारं राष्ट्रपतिः सैन्टियागो पेन्ना बुधवासरे स्वदेशं प्रत्यागमनात् पूर्वं मुम्बईनगरं गमिष्यति तथा च तत्र राजनेतारः, व्यापारिक उद्योग-प्रतिनिधिभिः, तकनीकी-कर्मचारिभिः सह मेलनमपि करिष्यति ।