उत्तरप्रदेशस्य मदरसेषु आङ्गलं गणितं च अनिवार्याः विषयाः भविष्यन्ति

उत्तरप्रदेशस्य मदरसेषु आङ्गलं गणितं च अनिवार्याः विषयाः भविष्यन्ति
हिमसंस्कृतवार्ताः। उत्तरप्रदेशे मदरसाशिक्षाव्यवस्थायां महत् परिवर्तनं भविष्यति। यूपी-सर्वकारेण उच्चस्तरीयसमितिः निर्माय मदरसा-पाठ्यक्रमस्य पुनर्गठनस्य आदेशः दत्तः अस्ति । पूर्वं मदरसाशिक्षाव्यवस्थायां आङ्ग्लभाषा, गणितं, विज्ञानम् इत्यादयः विषयाः वैकल्पिकाः आसन्, ये अधुना अनिवार्याः क्रियन्ते । आधुनिकशिक्षायाः अन्तर्गतं एते विषयाः अनिवार्याः भविष्यन्ति। एतेषां परिवर्तनानां सङ्गमेन मदरसाशिक्षायाः सुधारणाय, सुचारुरूपेण च कार्यान्वितुं सर्वकारेण उच्चस्तरीयसमित्याः निर्माणं कृतम् अस्ति । अल्पसंख्यककल्याणस्य निदेशकः अस्याः समितेः अध्यक्षः कृतः अस्ति । अल्पसंख्यक कल्याण एवं वक्फ विभागः, मूलभूत शिक्षा, माध्यमिक शिक्षा, वित्त एवं न्यायविभागस्य विशेषसचिवः अस्याः समितेः सदस्याः भविष्यन्ति।