आङ्गनवाडीकेन्द्रेषु राशनवितरणस्य व्यवस्था परिवर्तिता

आङ्गनवाडीकेन्द्रेषु राशनवितरणस्य व्यवस्था परिवर्तिता
हिमसंस्कृतवार्ताः। किशोरी, गर्भिणी, स्तनपानं कुर्वतीनां महिलानां, बालकानां च कुपोषणं निवारयितुं सर्वकारः आंगनबाडीकेन्द्रद्वारा गृहे गृहे राशनस्य अन्तर्गतं शुष्कराशनं वितरति, परन्तु बहुवारं पोषणयुक्तं भोजनं लाभार्थिनं न प्राप्नोति इति सूचनाः प्राप्यन्ते। योजनायां विशालः भ्रष्टाचारः भवति। एतादृशौ परिस्थितौ इदानीं नूतना व्यवस्था कार्यान्विता अस्ति । एतस्याः समस्यायाः निवारणाय सर्वकारेण पारदर्शीव्यवस्थायाः कार्यान्वयनस्य दिशि जनवरी-मासस्य प्रथमदिनात् मुखसत्यापनं, ओटीपी-व्यवस्था च कार्यान्विता अस्ति । आंगनवाडीकेन्द्रे दुर्बलवर्गपरिवारस्य बालकानां, गर्भिणीनां, स्तनपानं कुर्वतीनां च महिलानां तथा किशोरीणां च पूरकपोषणं प्रदत्तं भवति। एषा व्यवस्था Take Home Ration (THR) इति नाम्ना प्रसिद्धा अस्ति । अस्याः व्यवस्थायाः अन्तर्गतं कुपोषणस्य समस्यां निवारयितुं प्रयत्नाः क्रियन्ते ।