उत्तराखण्डे चारधामयात्रायै पञ्जीकरणं प्रारब्धम्

उत्तराखण्डे चारधामयात्रायै पञ्जीकरणं प्रारब्धम्
उत्तराखण्डे चारधामयात्रायै पञ्जीकरणं प्रारब्धम् अस्ति। अस्मिन् वर्षे पञ्जीकरणम् आधारप्रमाणीकृतं भविष्यति, पञ्जीकरणकाले श्रद्धालुभि: स्वस्य आधारपत्राणां विवरणं दातव्यं भविष्यति। ध्यातव्यं वर्तते यत् आहत्य षष्ठी-प्रतिशतं पञ्जीकरणम् आभासीयमाध्यमेन भविष्यति, येन तीर्थयात्रिणां कापि समस्या न भवेत्। एतस्याः प्रक्रियायाः सुगमतायै हरिद्वारं ऋषिकेशं च समेत्य समस्तयात्रामार्गेषु पञ्जीकरणकेन्द्राणां सङ्ख्या वर्धिता भविष्यति। तीर्थयात्रिणः registrationandtouristcare.uk.gov.in इत्यत्र आभासीय-माध्यमेन पञ्जीकरणं कर्तुं शक्नुवन्ति। भक्तानां सौविध्याय पर्यटनविभागेन अस्मिन् वर्षे यात्रायाः चत्वारिंशत्-दिवसात् पूर्वम् इयं पञ्जीकरणप्रक्रिया समारब्धा।