प्रधानमन्त्री -सर्वकारः भारतम् आत्मनिर्भरं कर्तुं सततं विकासपथे कार्यरतः अस्ति

सर्वकारः भारतम् आत्मनिर्भरं कर्तुं सततं विकासपथे कार्यरतः अस्ति-प्रधानमन्त्री
अर्थव्यवस्थायां लघुद्योगाः महत्त्वपूर्णा भूमिकाम् आवहन्ति।
हिमसंस्कृतवार्ता। प्रधानमन्त्री नरेन्द्रमोदी उक्तवान् यत् सर्वकारः भारतम् आत्मनिर्भरं कर्तुं सततं विकासपथे कार्यरतः अस्ति अधुना च एतदर्थं परिष्कारेषु तीव्रता आनीयते । तेनोक्तं देशेन गतदशवर्षेषु स्वप्प्रतिबद्धता परिष्कारान् प्रति आर्थिकानुशासनं प्रति पारदर्शितां च प्रति दर्शिता अस्ति। लघूद्योगानां विषये चर्चयता श्रीमोदिना उक्तं यत् अर्थव्यवस्थायां एते उद्योगाः महत्त्वपूर्णा भूमिकाम् आवहन्ति । प्रधानमन्त्री दृश्यथव्यमाध्यमेन वित्तसंकल्पनापत्रानन्तरं लघूद्योगानां विषये भाषमाणः आसीत् । व्यापारसरलीकरणसन्दर्भ सर्वकारस्य पदक्रमाणां विषये चर्चयता श्रीमोदिना उक्तं यत् वित्तसंकल्पनापत्रे निर्माणस्य तथा च निर्यातस्य सन्दर्भ महत्त्वपूर्णाः पदक्रमाः उत्थापिताः सन्ति। प्रधानमन्त्री उक्तवान् यत् शोधः विकासश्च भारतस्य निर्माणाभिक्षमतायां महत्त्वपूर्णा भूमिकाम् आवहति। आधुनिकक्रीडनकानां पादत्राणानां तथा च चर्मोद्योगानां क्षेत्रे भारतस्य क्षमतां विश्वं सम्यक्तया परिचिनोति । तेन एतेषु उद्योगेषु अग्रगण्याः निवेदिताः यत् ते केवलं दर्शकभूताः मा भवेयुः अपितु वैश्विक-आपूर्तिक्षेत्रे अवसरान् पश्येयुः। प्रधानमन्त्रिणा प्रोक्तं यत् अधुना मुख्यतया क्रियात्मक-उत्पादानां निर्माणे एव अवधानं भविष्यति येषां वैश्विकस्तरे अभियाचनं वर्तते। पीएल् आई प्रोडक्भू लिंकडू इंसेटिव इति योजनायाः अन्तर्गतं पञ्चाशत्सहस्रकोटिरूप्यकाणां निवेशः सञ्जातः अस्ति तथा च त्रयोदशलक्षकोटिरूप्यकाणां उत्पादनं सज्जातम् अस्ति ।