जयरामठाकुरः २७ वर्षपूर्वम् अद्यैव विधायकः अभवत्, सामाजिकमाध्यमेषु चित्राणि प्रसारितवान्
हिमसंस्कृतवार्ता:- कार्यालयीय: प्रतिनिधि:।
हिमाचलप्रदेशस्य पूर्वमुख्यमन्त्री, विपक्षनेता च जयरामठाकुरः २७ वर्षपूर्वम् अस्मिन् दिने अर्थात् २ मार्च दिनाङ्के एव विधायकः अभवत्। जयरामठाकुरः अखिल-भारतीय-विद्यार्थी-परिषदः राजनैतिकजीवनस्य आरम्भं कृतवान्। तदनन्तरं जयरामठाकुर: भारतीय-जनतायुवा-मोर्चा इत्यस्य मार्गत: भाजपायां सम्मिलित: अभवत्। विधायकः, मन्त्री, दलस्य अध्यक्षः च भूत्वा केन्द्रीयनेतृत्वेन २०१७ तमे वर्षे मुख्यमन्त्री अभवत्।
१९९३ तमे वर्षे विधानसभानिर्वाचने पराजितः जयरामठाकुरः १९९८ तमे वर्षे निर्वाचनं कृतवान्। यस्मिन् सः काङ्ग्रेसं पराजितवान्। १९९८ तमवर्षाद् अनन्तरं जयरामठाकुरः निर्वाचने निरन्तरं विजयं प्राप्य विधानसभानिर्वाचने कदापि न पराजितः।
संयोगेन मुख्यमन्त्री अभवत्
यद्यपि २०१७ तमस्य वर्षस्य हिमाचलविधानसभानिर्वाचने भारतीयजनतापक्षः विजयी अभवत् तथापि मुख्यमन्त्रीपदस्य प्रत्याशी प्रेमकुमारधूमलस्य सुजनपुरासनतः पराजयस्य सम्मुखीकरणं कर्तव्यम् अभवत्। एतादृश्यां परिस्थितौ मण्डीमण्डलस्य सिराजासनतः पञ्चवारं विधायकं ठाकुरं मुख्यमन्त्री कृत्वा एवं प्रकारेण जयरामठाकुरः संयोगेन हिमाचलप्रदेशस्य मुख्यमन्त्री अभवत्।
कर्णाटकस्य जामाता अस्ति जयरामठाकुरः
जयरामठाकुरस्य कर्णाटकेन सह अपि सम्बन्धः अस्ति। जयरामठाकुरः कर्णाटकस्य जामाता अस्ति। जयरामः कर्णाटकस्य शिमोगा निवासी डॉ. साधना इत्यनया सह विवाहम् अकरोत्। साधनायाः परिवारः राजस्थानस्य जयपुरं गतवान् आसीत्। विवाहात् पूर्वं सा साधनारावः आसीत्, १९८० तमे वर्षे जयपुरस्य एस.एम.एस. चिकित्सामहाविद्यालये चिकित्साध्ययनं कृतवती। साधना एबीवीपी-पक्षे अपि सक्रिया आसीत् तथा च जयरामः तदानीन्तनः पूर्णरूपेण एबीवीपी-कार्यकर्ता आसीत्, मण्डीतः निर्वाचनं कर्तुं पूर्वं जम्मू-कश्मीरे कार्यं कुर्वन् आसीत्। उभयोः अपि कन्याद्वयम् अस्ति।
अत्यन्तं दरिद्रतायां व्यतीत: बाल्यकालः
जयरामठाकुरस्य जन्म ६ जनवरी १९६५ तमे वर्षे मण्डीमण्डलस्य तादीग्रामे अभवत्। सः प्राथमिकशिक्षा ग्रामात् एव प्राप्तवान्। सः मण्डी-नगरस्य बल्लभ-महाविद्यालयात् स्नातकपदवीं प्राप्तवान्। छात्रजीवने सः एबीवीपी- संस्थायां सम्मिलितः भूत्वा छात्रराजनीत्याः कार्यक्षेत्रस्य आरम्भं कृतवान्। तस्य बाल्यकालः अत्यन्तं दारिद्र्ये एव व्यतीतः। तस्य परिवारे त्रयः भ्रातरः भगिन्यः च सन्ति तस्य पिता कृषिकार्यं श्रमकार्यं च कृत्वा परिवारस्य पोषणं करोति स्म।
दलस्य वरिष्ठकार्यकर्तृभि: कृता उपेक्षा
१९९३ तमे वर्षे यदा युवा जयरामठाकुरः सिराज (तदा चच्योट) इत्यस्मात् नामपत्रं प्राप्तवान् तदा दलस्य वरिष्ठनेतारः एतत् सोढुं न शक्तवन्तः। प्रायः परिवर्तनकाले एतत् भवति। अवश्यं युनां मुखानाम् अवसरः प्राप्तव्यः परन्तु वरिष्ठनेतारः तत् सहजतया न स्वीकुर्वन्ति। तस्मिन् समये जयरामठाकुरस्य अपि तथैव अभवत्, वरिष्ठनेतारः जयरामठाकुरस्य उपेक्षां कृतवन्त:।
युवनेतारः सर्वदा नूतनं प्रतिबिम्बं निर्मान्ति
तस्मिन् समये अपि चच्योटस्य केचन उत्साहीयुवकाः तेन सह स्कन्धेन स्कन्धं स्थित्वा निर्वाचनयुद्धे पूर्णबलेन प्रवेशं कृत्वा स्वस्य उपस्थितिं पञ्जीकृतवन्तः। अवश्यं जयरामठाकुरः प्रथमं निर्वाचनं काङ्ग्रेसनेता मोतीरामठाकुरेन सह पराजितवान्, परन्तु तदेव निर्वाचनं तस्य कृते राजनीतिषु सुवर्णभविष्यं लिखितवान् आसीत्। तदनन्तरं १९९८ तमे वर्षे निर्वाचनं जातम्, जयरामठाकुरः प्रथमं विजयं प्राप्तवान्। तदनन्तरं जयराम ठाकुरः स्वराजनैतिकयात्रायां कदापि पृठे न अवलोकितवान्। पञ्चवारं क्रमशः निर्वाचनेषु विजयं प्राप्य २०१७ तमे वर्षे मुख्यमन्त्री अभवत्।
उत्साही-युनां सहभागिता आसीत्
यदा जयरामठाकुरः प्रथमवारं निर्वाचनक्षेत्रे प्रविष्टवान् तदा कदापि कोऽपि न कल्पितवान् स्यात् यत् सः एकस्मिन् दिने राज्यस्य बृहत्तमं पदं अर्थात् मुख्यमन्त्रीपदं प्राप्स्यति इति। १९९३ तमे वर्षे निर्वाचनविजयानन्तरं जयरामठाकुरः कदापि राजनैतिकमञ्चे पृष्ठे न पश्यति स्म। सः प्रतिदिनं नूतनाः सफलताः प्राप्तुं निरन्तरं प्रवृत्तः आसीत्। अस्मिन् वार्तायां यः फोटो अस्ति सः साक्षी अस्ति यत् जयराम ठाकुरः यदा राजनीतिं प्रविष्टवान् तदा सः सरलतां प्रेम्णा पश्यति स्म। आम्, एतत् भिन्नं यत् तस्य स्कन्धेषु समग्रस्य राज्यस्य भारस्य कारणात् सः सहकारिभ्यः बहुकालं दातुं न शक्नोति।
१९९३ तमे वर्षे विधानसभाया: नामपत्रं प्राप्य जयरामठाकुरः अनेकानि आव्हानानि सम्मुखीकृतवान्। एकतः सः राजनीतिषु नूतनः आसीत् अपरतः तस्य विधानसभाक्षेत्रस्य केचन वरिष्ठनेतारः नामपत्रस्य स्पर्धां कुर्वन्ति स्म। एतादृश्यां परिस्थितौ निर्वाचनयुद्धे स्वस्य सामर्थ्यं दर्शयितुं जयरामठाकुरस्य केवलं युवासहकारिणां समर्थनम् आसीत्। तत्कालीन मण्डल भाजपाया: अध्यक्ष: हेमराज वर्मा, मंडलभाजपा महासचिव: दुलासिंहठाकुर:, सिराजस्य भाजयुमो अध्यक्ष: नूतनप्रकाश:, कर्मठ: भाजपा कार्यकर्ता छपेराम: सहिता: केचन् उत्साहिन: युन: तेन सह उपस्थिता: अभवन्। ते ग्रामं ग्रामं गत्वा जयरामठाकुरस्य कृते जागरूकतां जनयन्ति स्म।
तस्मिन् एव काले जयरामठाकुरः निर्वाचनप्रचारार्थं गडागुशैणीं गत्वा तस्य चित्रं गृहीतवान्। जयरामठाकुरः चित्रे मध्ये उपविष्टः अस्ति। जयरामठाकुरः साधारणवस्त्रधारी मश्रुमुखः अस्ति। चित्रे चच्योटमण्डल भाजपाध्यक्ष: हेमराजवर्मा दक्षिणे, महासचिव: दुलासिंहठाकुर: वामे उपविष्टे। तस्मिन् समये प्रचारार्थं साधनानां, धनस्य च अभावः आसीत्। अधुना सामाजिकमाध्यमानां युगः अस्ति। प्रचारार्थं सामाजिकमाध्यमानां बहुधा उपयोगः भवति। अधुना ग्रामात् ग्रामं प्रचारार्थं गमनम् तावत् महत्त्वपूर्णं न मन्यते जयरामठाकुरः राज्यस्य मुख्यमन्त्री अभवत् तथा च अधुना सदने विपक्षस्य नेता अस्ति।
