दिल्ली-विधानसभायाः त्रि-दिवसीय सत्रम् समारब्धम्

दिल्ली-विधानसभायाः त्रि-दिवसीय सत्रम् समारब्धम्
नवघटितायाः दिल्ली-विधानसभायाः त्रि-दिवसीय-सत्रम् समारब्धम् अस्ति। मुख्यमन्त्री रेखा गुप्ता तदीय-मन्त्रिमंडलस्य सदस्याः प्रवेश-साहिब सिंहः, आशीष-सूदः, मनजिंदर सिंह-सिरसा, कपिलमिश्रः, रवींद्र-इंद्राज-सिंहः, पंकज-सिंहश्च विधायक-पदस्य शपथवचनं स्वीकृतवन्तः । प्रोटेस स्पीकर पदारूढः अरविंदर सिंह लवली अन्येभ्यः शपथ वचनं कारितवान्। ध्येयमस्ति यद् अन्य-नवनिर्वाचितैः विधायकैश्चापि शपथ-वचनं स्वीकृतम्। रोहिणी-तः विधायकः विजेंद्र गुप्ता दिल्ली विधानसभायाः अध्यक्षः प्रचितः अस्ति। उपराज्यपालः वी.के. सक्सेना-वर्यः अद्य सदनं संबोधयिष्यति । विगत-सर्वकारस्य कार्यजातेषु अपि सी.ए.जी. इत्यस्य विवरणम् अपि तद्दिने एव सदने उपस्थापयिष्यते त्रि-दिवसीय-सत्रमिदं फरवरी-सप्तविंशति यावत् चलिष्यति ।। सद्य एव सम्पन्नेषु विधानसभा निर्वाचनेषु भाजपा-दलेन अष्ट चत्वारिंशत् आसनानि अधिगम्य ऐतिहासिकः विजयः प्राप्तः आसीत्, अपरत्र च आम आदमी पार्टीति दलेन द्वाविंशतिः आसनानि एव प्राप्तानि आसन्। पूर्वमुख्यमन्त्री कालकाजी क्षेत्रस्य आप दलस्य विधानसभा सदस्या आतिशी नेताविपक्षः भविष्यति।