Una News : ऊनायां वृषभस्य आघातेन १९-वर्षीययुवकस्य निधनं , मित्रेण पलायनं कृत्वा प्राणः रक्षितः
हिमसंस्कृतवार्ता:- डॉ पद्मनाभ:।
हिमाचलप्रदेशस्य ऊना जनपदस्य दौलतपुरचौकस्य समीपस्थ ग्रामे रायपुरे सायंकाले वृषभस्य आघातेन १९-वर्षीयस्य युवकस्य निधनं जातम्। मृतक युवकस्य परिचयः राहुलः पुत्रः परमजीतः ग्रामरायपुरनिवासी इति कृतः। पुलिसेण शवं स्वाधीने कृत्वा अन्वेषणं आरब्धम्।
वृत्तांतानुसारं, १९-वर्षीयः राहुलः एकस्मिन् केशकर्तनालये कार्यं शिक्षमाणः आसीत्। प्रतिदिनवत् सायं मित्रेण सह गृहम् प्रत्यागच्छन् आसीत्। मार्गे वृषभ:
तस्योपरि आक्रमणं कृतवान्। मित्रेण पलायनं कृत्वा प्राणः रक्षितः किन्तु राहुलः वृषभस्य आघातेन गभीरं पीडितः अभवत्।
ग्रामस्य उपप्रधानः अमितः शर्मा उक्तवान् यत् वृषभ: मार्गे स्थितः आसीत्। द्वौ बालकौ पदाति: तस्य विपरीतदिश: आगच्छतः आस्ताम्। अकस्मात् वृषभ: तयोः उपरि आक्रमणं कृतवान्। राहुलः गभीरं क्षतिग्रस्तः अभवत्। तं चिकित्सालयं नीत्वा चिकित्सकैः स: मृतः घोषितः।
स्थानीयैः जनैः उक्तं यत् राहुलः बाल्यकालतः श्रमशीलः आसीत्। स स्वपितुः आर्थिकसहायार्थं केशकर्तनालये कार्यं शिक्षमाणः आसीत्। तस्य बालकः भ्राता भगिन्ययः च अङ्गीकृत्य परिवाराय साहाय्यं कर्तुम् इच्छुक: आसीत्।
राहुलस्य पिता परमजीतः ग्रामीणराजस्वकेन्द्रे चतुर्थश्रेणी कर्मचारीरूपेण कार्यं करोति। आर्थिकसहायार्थं तहसीलदारेण कुलताजसिंहेन परिवाराय २५००० रूप्यकाणि प्रदत्तानि। दौलतपुरचौकीप्रभारी रविपालः उक्तवान् यत् पुलिसेण शवस्य परीक्षणं कृत्वा परिजनेभ्यः समर्पितम्।
