उदीयमान-राजस्थान-वैश्विक निवेश-शिखर सम्मेलनम्” इत्यस्य प्रधानमन्त्रिणा कृतम् उद्घाटनम्

श्रीमोदिना जयपुरे उदीयमान-राजस्थान-वैश्विक निवेश-शिखर सम्मेलनम्” इत्यस्य कृतम् उद्घाटनम्
हिमसंस्कृतवार्ताः। प्रधानमन्त्रिणा श्रीमोदिना जयपुरे उदीयमान-राजस्थान-वैश्विक निवेश-शिखर सम्मेलनम्” इत्यस्य उद्घाटनं कृतम् । त्रिदिवसीयसम्मेलनं सम्बोधयन् प्रधानमन्त्री नरेन्द्रमोदी अवोचत् यत्संशोधनं, कार्यान्वयनं, परिवर्तनं चेत्यादिभिः मन्त्रैः सह सर्वेषु क्षेत्रेषु भारतेन कृतानि विकासकार्याणि दृश्यन्ते ।आत्मनिर्भर-भारताभियानं वैश्विकम् अस्ति अस्य प्रभावोऽपि वैश्विकः वर्तते । एतदभियानमुद्दिश्य सर्वकारः समग्रदृष्टिकोणेन सह अग्रे सरति । श्रीमोदी प्रोक्तवान् यत् विश्वस्य निवेशकाः, विशेषज्ञाश्व भारतमुद्दिश्य उत्साहिताः सन्ति । श्रीमोदी प्रोक्तवान् यत् भारतस्य सफलता लोकतंत्रस्य, जनसांख्यिक्याः, अन्तर्जालीय-सूचनातन्त्रस्य कार्यान्वयनस्य च शक्तौ प्रदर्शिता भवति । अस्मिन् अवसरे प्रधानमन्त्री प्रोक्तवान् यत् देशे सुदृढलोकतन्त्रम् अस्ति । युवानः देशं विकासमार्गे अग्रे नेतुं महत्वपूर्णभूमिकां निर्वहन्ति ।
प्रधानमन्त्री नरेन्द्रमोदी प्रोक्तवान् यत् सम्पूर्ण विश्वे भारतं लोकतन्त्रस्य, भूक्षेत्रस्य, सांख्यिक्याः च शक्तेः प्रदर्शनं करोति । राजस्थाने निवेशाय आवश्यकाधारभूत-सौविध्यानाम् उल्लेखं कुर्वन् श्रीमोदी प्रोक्तवान् यत् यदि राजस्थानम् विकासस्य नवीनशिखरं स्पृशति तर्हि देशः अपि नवीनोन्नतिं प्राप्स्यति । प्राकृतिक संसाधनानां, आधुनिक सूचनातन्त्रस्य, समृद्धसंस्कृतेः, सक्षम- युव-शक्तेः च उल्लेखं कुर्वन् प्रधानमन्त्री अकथयत् यत् एताः सर्वाः विशेषताः निवेशाय राजस्थानं महत्वपूर्ण-राज्यत्वेन संस्थापयन्ति । प्रधानमन्त्री अकथयत् यत् देशे विदेशि-पर्यटकानां संख्या निरंतर समेधते सहैव क्षेत्रीयपर्यटने अपि निरन्तरं नवीनकीर्तिमत् संस्थाप्यते । प्रधानमन्त्री प्रोक्तवान् यत् सूक्ष्म-लघु-मध्यमोद्यमाः कस्यापि देशस्य अर्थव्यवस्थां सशक्तं कर्तुं महत्वपूर्ण भूमिकां निर्वहन्ति । सर्वकारः अपि स्वनीतिभिः निर्णयैः च सूक्ष्म लघु- मध्यमोद्यम-क्षेत्राणि निरन्तरं सशक्तं करोति । इतः पूर्वं कार्यक्रमं संबोधयन् मुख्यमंत्री भजनलालशर्मा प्रोक्तवान् यत् सर्वकारः आगामि पंच-वर्षेषु राज्यस्य अर्थव्यवस्थां द्विगुणीकर्तुं लक्ष्यं निर्धारितवान् । तेन आशा व्यक्तीकृता अस्ति यत् इदं शिखर सम्मेलनं विकसितभारतस्य विकसित-राजस्थानस्य संकल्पं साकारं कर्तुं महत्वपूर्णं भविष्यति । अनन्तरं प्रधानमन्त्रिणा नरेन्द्रमोदिना भारतीय-जीवनबीमानिगम इत्यस्य बीमा-शक्ति-योजनायाः शुभारम्भः हरियाणायाः पानिपतजनपदे महाराणाप्रताप-औद्यानिक-विश्वविद्यालये कृतः ।