मनाली :महानाटीनृत्यस्य ताले पुनः उल्लास:

महानाटीनृत्यस्य ताले पुनः उल्लास: मनाली-शरदानन्दोत्सवे वाम-तटस्य महिलाभि: कृतं महानाटीनृत्यम्
हिमसंस्कृतवार्ता- मनाली।
पर्यटननगर्य्यां मनाल्यां आयोजितस्य राष्ट्रियस्तरस्य शीतकालीन-आनन्दोत्सवस्य चतुर्थे भागे मनाल्याः वामतटस्य महिलाः मॉलमार्गे कुल्लवीनाटीं कृत्वा संस्कृतिसंरक्षणस्य प्रचारस्य च सन्देशं दत्तवत्य:। दक्षिणतटस्य १२३ महिलासमूहानां १२०० तः अधिकाः महिलाः नाटी-प्रदर्शनं कृतवत्य: । शिशिर-आनन्दोत्सवस्य आकर्षणस्थानमहानाटीनृत्ये वामदक्षिणतटयोः महिलानां मध्ये स्पर्धा आसीत् । शुक्रवासरे दक्षिणतटस्य महिलाः प्रतियोगितायां भागं गृहीतवत्य:। ततः पूर्वं जनवरी-मासस्य ३ दिनाङ्के वामतटस्य महिलाभिः महानाटी-प्रदर्शनं कृतम् आसीत् । प्रथमस्थानस्य दलं एकलक्षरूप्यकाणां पुरस्कारं प्राप्स्यति, द्वितीयस्थानस्य दलं ५०,००० रूप्यकाणां पुरस्कारेण सन्तुष्टं भवितुम् अर्हति। मनाली-नगरस्य मॉल-मार्गे प्रातः ११ वादने कुल्लवी-वेषधारिभिः महिलाभिः अद्भुतं नृत्यं कृतम् । कुल्लवीगायकाः स्वसमूहेन सह मञ्चात् कुल्लवीगीतानि गायन् सर्वा: महिला: नृत्यं कृतवत्य: । एतद् महानाटीनृत्यम् दृष्ट्वा मनालीं प्राप्ताः सहस्रश: पर्यटकाः हिमाचलीसंस्कृतौ उन्मत्ताः अभवन् ।
महानाटी-आयोजक-समिति-सदस्य: बालकराम इत्यनेन उक्तं यत् महिलाभिः पौराणिकाभूषणेषु चन्द्रहार:, बालू, बाजूबन्ध:, पंजेब, त्रीणि पुष्पाणि युतानि वस्त्राणि परिधाय कुल्लवी नृत्यं कृत्वा संस्कृतिरक्षणे बलं दत्तम्। मनाली-नगरस्य एसडीएम रमनकुमार: शर्मा इत्यनेन उक्तं यत् शिशिरकार्निवालं सफलं कर्तुं सर्वप्रयत्नाः कृताः। विधायक: भुवनेश्वरगौड: अवदत् यत् मानवजातेः विकासस्य इतिहासे संस्कृते: भूमिका महत्त्वपूर्णा अस्ति। संस्कृतिसंरक्षणं प्रवर्धनं च आवश्यकं इति उक्तवान्। मनलीनगरस्य महिलाभिः सुन्दरं महानाटीनृत्यम् कृत्वा महिलासशक्तिकरणसहितं संस्कृतिसंरक्षणस्य प्रचारस्य च सन्देशः दत्तः।
भूषाचार-प्रदर्शने अपि लोकसंस्कृतेः दर्शनं दृष्टम्
शीतकालीन-आनन्दोत्सवस्य चतुर्थे दिने भूषाचार-प्रदर्शने (फैशनप्रदर्शने) बहु तालीवादनं प्राप्तम् । जागृतिकलामञ्चमनालीतः कलाकाराः सूर्यसंस्कृतिदलबनोगी, द वारियर् दलम् कुल्लु, परफेक्ट् डान्स क्लब जम्मू इत्येतेषां कलाकारैः भूषाचारस्य प्रदर्शनं कृतम्। कार्निवलस्य चतुर्थे दिने मनुरङ्गशालायां सांस्कृतिककार्यक्रमाः आयोजिताः । अन्ते प्रतिभाप्रदर्शनप्रतियोगिता आरब्धा । अस्यां स्पर्धायां षट् दलानि भागं गृहीतवन्तः । कुल्लुतसांस्कृतिककलासंगम: कुल्लू, लोकनृत्य-अकादमी फिरोजपुरं, जागृतिकलामंच: मनाली, हरिहरनादं, ब्लैकस्पाइडर एवं रुद्र द अल्टीमेट इत्येतेषां संस्थानां नायकै: भागं स्वीकृतम्।